دایکندي کې ځايي سرچینې وايي، د دې ولایت سنک تخت و بندر ولسوالۍ کې یوه ځوانه ۲۱ کلنه نجلۍ، له یوه هلک سره د تېښتې تر ناکامېدو وروسته، د پلار له خوا وژل شوې ده.
رخشانه: سنګ تخت وبندر ولسوالۍ کې دوه باوري سرچینو رخشانې رسنۍ ته ویلي، دا پېښه د پنشنبې ورځې سهار ۵ بجې (د زمري اوله) د دې ولسوالۍ د «وترمه سیاه خرک» په کلي کې رامنځ ته شوې ده.
سرچینو دا نجلۍ «حلیمه» یاده کړې وايي، هغه ۲۱ کلنه وه. د دې نجلۍ پلار «صفدر شریفي» نومېږي.
سرچینو زیاته کړې، حلیمې قصد درلود، له یوه ځوان هلک سره د کابل په لور وښتي، خو له ترانسپورټ نه د ټکس اخیستو پر مهال، د ترانسپورتي شرکت د نماینده ګۍ له خوا پېژندل شوې او طالبانو ته تر خبر ورکولو وروسته نیول کېږي.
د سرچینو په وینا، طالبانو د هغوی تر نیولو وروسته، نجلۍ خپل پلار ته سپارلې او ځوان هلک یې خوشی کړی دی. دې دا ځوان هلک د دایکنډي اوسېدونکی نه وو او د نجلۍ د تښتولو لپاره سنګ تخت و بندر ته راغلی وو.
د سرچینو د خبرو له مخې، دا ځوانه نجلۍ د شپې د پلار له کوره تللې او د پنشنبې ورځې د سهار ۵ بجې، د خپل پلار له لوري د بادي (چريي) ټوپک په دوه ډزو وژل شوې ده.
د نجلۍ پلار طالبانو نیولی او دا مهال د سنګ تخت و بندر ولسوالۍ د طالبانو په زندان کې دی.
په دایکنډي ولایت په ځانګړې توګه سنګ تخت و بندر ولسوالۍ کې د واده په قصد له کوره تېښته په یوه معمولي امر بدله شوې ده.
د پلار له لوري د حلیمي وژل کېدل په افغانستان کې له «ناموسي قتلونو» شمېرل کېږي. هر کال د هېود په یو شمېر ولایتونو کې، نجونې د «ناموسي مسایلو» له امله د خپلو کورنیو د غړو له خوا وژل کېږي.
له دې وړاندې هم په یو شمېر ولایتونو کې په ورته پېښو کې، ځوانې نجونې له کوره د تېښتېپه خاطر، د خپلو کورنیو له خوا وژل شوې دي.
