د «سلام وطندار» پخوانۍ خبریاله صوفیه محمدزی له سرطان ناروغۍ سره تر شپږ کاله مبارزې وروسته، کابل ښار کې مړه شوه.
رخشانه: د دې خبریالې یو تن خپلوان رخشانې رسنۍ ته و ویل، چې هغه د چهارشنبې په ورځ د (زمري ۲۱ مه) د کابل ښار په یوه روغتون کې ساه ورکړه.
د هغه په وینا، محمدزۍ شاوخوا ۳۰ کاله عمر درلود.
صوفیه محمدزۍ کلونه، د هېواد په یو شمېر رسنیو له هغې جملې په سلام وطندار کې د خبریالې، ویاندې او پروډیوسرې په توګه کار کړی وو.
په سلام وطندار کې د محمدزۍ یوې پخوانۍ همکارې وحیده فیضي پر خپله فسبوک پاڼه د هغې د مرګ خبر ورکړی دی.
سلام وطندار رسنۍ هم د دې پخوانۍ همکارۍ د مرګ پخلی کړی او هغه یې د «یوې ژمنې او مسوولیت مننونکې خبریالې» په توګه یاده کړې ده.
څه موده وړاندې د محمدزۍ یو شمېر ملګرو او همکارانو د هغې د ناروغۍ د درملنې لپاره د بسپنې راټولو کمپاین پیل کړی وو.
