ننګرهار کې ځايي سرچینې وايي، د دې ولایت مرکز جلال آباد ښار څخه یو ماشوم له تېرو شلو ورځو راهیسې ورک شوی دی.
رخشانه: جلال آباد ښار کې دوو سرچینو ویلي، دا ماشوم د ښار د پنځمې ناحیې اوسېدونکي دی.
د سرچینو په وینا، دا ماشوم شپږ کاله عمر لري او د یوه دیني عالم زوی دی.
سرچینو زیاته کړې، هغه شاوخوا شل ورځې مخکې ورک شوی او تر اوسه یې د مړي او ژوندي په اړه معلومات نشته.
د دې ماشوم پلار له طابانو غوښتي، چې د زوی په موندلو کې یې هڅې وکړي.
معلومه نه ده، چې د ماشوم د کوم کس یا ډلې له خوا تښتول شوی او یا دا چې په کوم بل دلیل ورک شوی دی.
تر اوسه جلال آباد ښار کې طالب امنیتي ځواکونه، د دې ماشوم په پیدا کولو نه دي بریالي شوي.
