ننګرهار کې ځايي طالب چاروکي وايي، د دې ولایت سرخ رود ولسوالۍ کې دوه ماشومان تالاب ته لوېدلي او ژوند یې له لاسه ورکړی دی.
رخشانه: ننګرهار کې د امنیه قوماندانۍ ویاند سید طیب حماد ویلي، دا پېښه نن (چهارشنبې د وږي ۲۵ مه) د شیخ مصري صنعتي پارک کې رامنځ ته شوې ده.
هغه زیاته کړې، دا پېېښه هغه مهال رامنځ ته شوې، چې یو ماشوم تالاب ته لوېدلی او نورو ماشومانو د هغه د ژغورنې لپاره ځان تالاب ته ورغورځولی دی.
د حماد په وینا، د لوېدلي ماشوم د ژغورنې لپاره دوه نورو ماشومانو چې ۶ او ۱۴ کلن وو، ژوند له لاسه ورکړی دی.
هغه زیاته کړې، درې نور ۳، ۶ او ۱۴ کلن ماشومان له ډوبېدو ژغورل شوي دي.
ننګرهار کې د طالبانو د امنیه قوماندانۍ دا درې ماشومان د درملنې لپاره د عامې روغتیا رغتون ته لېږدول شوي دي.
د هغه په وینا، د دې دریو ماشومانو روغتیايي حالت د ډاډ وړ دی.
د رونې اوونۍ د یکشنبې په ورځ هم غزني ولایت کې یو ماشوم تالاب ته لوېدلی او ژوند یې له لاسه ورکړی وو.
