د بې پولې ډاکتران سازمان (MSF) اعلان کړی، چې نړې کې د سینې او رحم د سرطان شاوخوا ۸۰ سلنه مړینه، په کم یا د منځنۍ کچې عاید لرونکو هېوادونو کې رامنځ ته کېږي.
رخشانه: د بې پولې ډاکترانو سازمان وايي، په ډېری هېوادونو کې، چې دا بنسټ په کې فعالیت کوي، سرطان د عمومي روغتیا لپاره مخ په زیاتېدونکي ګواښ بدل شوی او ښځې په نامتناسب ډول ترې زیان ویني.
دې سازمان ویلي، د لومړي ځل لپاره به د سرطان په نړیوال کنفرانس کې، چې روانه اوونۍ د چین په هانګ کانګ کې جوړېږي، د مالي او مالاوي په هېوادونو کې به د سرطان د درملنې پروګرام خپلې تجربې وړاندې کړي.
یاد سازمان زیته کړې، په ټوله نړۍ کې د سیني او رحم د سرطان له امله شاوخوا ۸۰ سلنه مړینې په لږ او منځني عاید لرونکو هېوادونو کې رامنځ ته کېږي.
د روغتیا نړیوال کارپوهان اټکل کوي، چې تر ۲۰۲۵ پورې به په دې هېوادونو کې د سرطان پېښې ۱۵۰ سلنه زیاتې شي.
دوی ویلي، سرطان ان په نازک چاپېریال او بشري بحرانونو کې هم کشف، مخنیوی او درملنه کېدای شي، که چېرې د سرطان سره مخ خلک همغږي، مناسب او کابي سرچینې لرونکو روغتیايي خدماتو ته لاسرسی ولري.
د دې بنست په وینا، په ډېری چاپېریانو کې محدودې سرچینې، لوړ لګښتونهو د درملو کمښت او د متخصصو کارکوونکو کمولی د سرطان ناروغانو د درملنې او پاملرنې مخه نیسي.
د بې پولې ډاکترانو په سازمان کې روغتیايي خدماتو ته د لاسرسي لپاره د حق غوښتنې سلاکار ډاکتر زراک جان وايي، لوړ لګښتونه، د خدماتو او د مناسبو اسانتیاوو نشتوالی، د سرطان د ډېری ناروغانو د درملنې د لاسرسي مخه نیسي.
هغه ټینګار کړی: «د دې وخت رارسېدلی چې هېوادونه او بنسپنه ورکوونکي، د دې تشې د ډکولو لپاره پیاوړې سیاسي اراده وښيي.»
دی وايي، هېوادونه باید د سرطان په پاملرنه کې پانګونه وکړي، تر څو په محدود چاپېریال کې د دې ناروغۍ سره د خلکو لپاره د تشخیص او درملنې مېتودونو ته لاسرسی چمتو کړي.
