بنګله دېش کې «د ښځو لپاره آسیايي پوهنتون» (AUW) د ۱۶۰ افغان زده کړیالانو د ایستلو خبر رد کړی وايي، اته افغان زده کړیالان یې «د تحصیلي وضعیت د ښه کولو نه توانېدو» په دلیل له دې پوهنتون څخه ایستل شوي دي.
رخشانه: دې پوهنتون پرون (پنشنبې د تلې ۲ مه) رخشانې رسنۍ ته ویلي، ۱۳ افغان زده کړیالان، چې نه وو توانېدلي په تېرو څو کلونو کې خپل تحصیلي وضعیت ښه کړي، په دې وروستیو کې د پوهنتون د پالیسیو سره سم د زده کړو له دوام څخه لرې کړای شول.
د دې پوهنتون په وینا، د ۱۳ افغان محصلینو له منځه، اته تنه یې افغانستان ته ستانه کړای شوي او نور ټول زده کړیالان په داسې حال کې، چې د یوه بل سمستر لپاره په پوهنتون کې پاتې دي، د بېلا بېلو غوراویو د ارزونې په حال کې دي.
«د ښځو لپاره آسیايي پوهنتون» زیاته کړې، د پوهنتون د پالیسیو سره سم، که زده کړیالان په څو کلونو کې په دوامداره توګه ونه تواېدل، کم تر کمه خپل تحصیلي اړتیاوې پوره کړي، د هغوی نوم لیکنه باید پای ته ورسول شي.
دې پوهنتون ټینګار کړي، چې د هېڅ یوه زده کړیال لرې کول ساده نه نیسي، په داسې مواردو کې چې زده کړیالان په ستنولو سره له سختو شرایطو سره مخ کېږي، پوهنتون له ځانه انعطاف ښيي.
«د ښځو لپاره آسیايي پوهنتون» ویلي، په وروستیو کلونو کې، له ۸۰۰ زیات افغان زده کړیالان، چې ۴۸۰ تنه یې دا مهال په پوهنتون کې په زده کړو بوخت دي، له بشپړو بورسیو په ګټنې سره په دې پوهنتون کې زده کړې کړې دي.
یاد پوهنتون زیاته کړې، چې افغان زده کړیالانو په دې پوهنتون کې د تحصیلي او مسلکي نظره د پام وړ لاس ته راوړنې لري.
د ښځو لپاره آسیايي پوهنتون، همدارنګه د ښځو لپاره د لوړو زده کړو فرصت برابرولو ژمنه کړې ده.
څو ورځې وړاندې «د ښځو لپاره آسیايي پوهنتون» د محصلینو له منځه ځینو سرچینو ویلي وو، چې دې پوهنتون د ۱۶۰ افغان زده کړیالانو د ایستلو پرېکړه کړې وه.
د سرچینې په وینا، افغان زده کړیالان د هغه اعتراضي برېښنالیکونو په تړاو، چې د خپلو تمویل کوونکو هېوادونو ته «د پوهنتون خدماتو چتولو کولو» په اړه د ایستلو ګواښ شوی وو.
