«د افغان ښځو د اعتراضي غورځنګونو خپلواک آئتلاف» افغانستان کې د عبدالرحمان خان له خوا د هزاره ګانو د نسل وژنې کلیزې په مناسبت، د هزاره ګانو په وړاندې د تاوتریخوالي د پای ته رسولو او د عاملینو د ځواب وینې غوښتنه وکړه.
رخشانه: د افغان ښځو د اعتراضي غورځنګونو خپلواک آئتلاف نن (جمعه د تلې ۳ مه) پاکستان کې د یوې اعتراضي غونډې په ترڅ کې ویلي، د غیرنظامیانو وژنه او د قومي او مذهبي ډلو په نښه کول نه باید په چوپتیا کې پاتې شي.
دا اعتراضي غونډه د «قربانیانو د یاد ژوندي ساتلو، د عدالت لپاره د هرازه ګانو د غوښتنو او غږ پورته کولو، عامه افکارو او نړیوالو ادارو د پام اړولو» په هدف تر سره شوه.
په دې غونډه کې د مدني ټولنې فعالانو، د بشري حقونو او ښځو د حقونو مدافعینو او فعالانو، د هزاره ګانو په وړاندې د هدفي بریدونو، تاوتریخوالي او تبعیض د پای ته رسولو غوښتنه وکړه.
دوی ټينګار وکړ، چې نړیواله ټولنه باید د جرمونو د مستند کولو، د قربانیانو د ملاتړ او د زرګونو کلونو په وړاندې د نسل وژنې او تاوتریخوالي د عاملینو حساب ورکولو لپاره اغېزمن ګامونه پورته کړي.
اعتراض کوونکو په حقوقي او مدني مبارزو کې د ښځو رول ته په اشارې سره غوښتنه وکړه، چې د عدالت د تامین لپاره دې د تاوتریخوالي او تبعیض د قربانیانو غږ واوروي.
«د افغان ښځو د اعتراضي غورځنګونو خپلواک ائتلاف» غړو د عدالت په رامنځ ته کولو، حساب ورکولو او د ملکي وګړو په وړاندې د تاوتریخوالي د بیا تکرار پر مخنیوي ټينګار وکړ.
