د پوهنې فعاله او د افغانستان د رهبرۍ ښوونځي (SOLA)یو له فعالانو، شبانه بسیج راسخ د ټایم مجلې د ۲۰۲۶ کال د ۱۰۰ اغېزمنو څېرو په کلني نوملړ کې راغلې ده.
رخشانه: مېرمن راسخ نن (چهارشنبې د وږي ۸ مه) په خپله اېکس پاڼه د یوه پوسټ په کولو سره لیکلي، «ټایم مجلې زما نوم د ۲۰۲۶ TIME100 Next د یوې غړې په توګه اعلان کړی دی.»
نوموړې د ټایم مجلي به ۱۰۰ اغېزمنو څېرو کې د خپل نوم په راتګ سره خوښي ښودلې وايي، «دا ویاړ د افغان ښځو اړوند دی.»
د زده کړې برخې دې فعالې لیکلي دي: «ویاړم، مننه کوم او پوهېږم، چې که څه هم دا ویاړ په ما پورې اړه لري، خو د ما نه دی. دا ویاړ د افغان مېرمنو اړوند دی او تمه ده، چې هغوی همداسې اورونه په لاسونو کې له ځان سره لېږدوي.»
ټایم مجلې هم په یوه مطلب کې لیکلي، شبانه بسیج راسخ په ۲۰۲۱کال کې هغه مهال چې طالبان بیا واک ته راوګرځېدل، له پوهنې سره خپله ژمنتیا په ښه توګه وښوده.
په دې مطلب کې راغلي، شبانه راسخ د طالبانو له واکمنۍ وروسته، د خپلو ټولو زده کوونکو سوابق د هغوی د خونديتوب په پار وسځول او ټول یې روانډا هېواد ته ولېږدول.
د ټایم مجلې په وینا، د شبانې راسخ تر نظر لاندې ښوونځي، له خپلې انلاین اکاډمۍ سره یو ځای اوس له ۴۳ زره زیات زده کوونکي لري.
دې مجلې ویلي، په کال ۲۰۲۶ کې د شبانې راسخ مشري د دې لامل شوه، چې د Elevate Prize جایزه تر لاسه کړي.
ټایم زیاته کړې، د هرې نجلۍ د زده کړې، ودې او رهبرۍ حق ساتنه باید استثنا نه وي، بلکې دا باید تر ټولو عادي خبره وي. تر هغه وخته چې داسې نه وي، دا هڅې به دوام ولري.
شبانې راسخ هم ویلي «افغان ښځې او نجونې به هېڅ کله تسلیم نه شي، خپل مخ مه اړوۍ.»
