د «ښه ژوند» بنسټ (Right Livelihood) اعلان کړی، چې مدافع وکیله او د بشري حقونو پاکستانۍ هزاره فعاله جلیله حیدر د ۲۰۲۶ کال د «نوبل آلترناتیو» جایزه وګټله.
رخشانه: د «سم ژوند» بنسټ نن (چهارشنبې د تلې ۸ مه) د ۲۰۲۶ کال د خپلو جایزو ګټونکو نوملړ نن اعلان کړی دی.
دې بنسټ ویلي، جلیله حیدر د پاکستان د هزاره ټولنې لومړنۍ ښځینه وکیله ده، چې د قومي، دولتي او نارواکۍ د ځپنې په وړاندې فعالیت کوي.
دې بنسټ لیکلي، حیدر په ۲۰۱۸ میلادي کال کې د هزاره ګانو د هدفي وژنو په وړاندې د نه خوړو د یوه اووه ورځني اعتراض مشري پر غاړه درلوده.
د دغه بنسټ په خبره، حیدر د خپلو حقوقي فعالیتونو او هڅو له لارې د زرګونو کسانو لپاره، چې د واکمنانو له خوا په نښه شوي یا له پامه غورځول شوي دي، عدالت ته د لاسرسي زمینه برابره کړې ده.
یاد سازمان زیاته کړې، حیدر د «ښځو د دیموکراتیکې جبهې (WDF)» یو له بنسټ اېښودونکو په توګه د پاکستان د بلوچستان ایالت د ښخو په لومړني لاریون کې ونډه درلوده.
د سم ژوند بنسټ ټینګار کړی، هغه د نیولو، ځورولو او مرګ له ګواښ سره سره، لا هم د داسې نړۍ جوړولو لپاره هڅه کوي، چې په هغې کې د دې په خپله وینا، «هېڅ انسان غیر قانوني نه دی.»
