تخار کې یوه خبره سرچینه وايي، طالب استخباراتو د دې ولایت «خواجه غار» ولسوالۍ کې یوه د ازبکي ژبې یوه ښځینه شاعره او د یوه ښوونځي ښوونکې نیولې او زنداني کړې ده.
رخشانه: یوې سرچینې د هویت پټ ساتلو سره رخشانې رسنۍ ته ویلي، دا ښځینه شاعره او مېړه یې کابو دوه اوونۍ وړاندې د خواجه غار ولسوالۍ له «هزارباغ» سیمې څخه طالب استخباراتو نیولي دي.
د سرچینې په وینا، دا ښځه مژده ازبک نومېږي او د خواجه غار ولسوالۍ «هزارباغ» سیمه کې د «ګوهرشاد بېګم» ښوونځي ښوونې ده.
د سرچینې د خبرو له مخې، مېرمن ازبک د پنځو اولادونو مور ده او د «اعتراضي شعر د ویلو او له راحله دوستم سره د اړیکې په تور» له مېړه سره نیول شوې ده.
سرچینې زیاته کړې، د مژده ازبک کورنۍ د هغې د امنیتي اندېښنې له امله، د روغتیايي وضعیت او دا چې د طالبانو په کوم زندان کې بندي ده، څه نه دي ویلي.
د دې ښځینه شاعرې نیولو د بشري او ښځو د حقونو د فالانو غبرګونونه راپارولي دي.
فعالانو د طالبانو له خوا د دې ښځینه شاعرې نیول غندلي او د طالبانو له زندانه یې د هغې د خوشي کېدو غوښتنه کړې ده.
طالبانو په تېرو پنځو کلونو کې په وار وار خپل منتقدان نیولي او زنداني کړي یې دي.
د دې ډلې مشر د عاشقانه او اعتراضي شعرونو په ویلو بندیز لګولی دی.
