د امریکا د بهرنیو چارو وزارت په یوه تازه راپور کې د انساني قاچاق په اړه ویلي، د طالبانو په لیکو کې د «بچه بازی» پدیده او د هلکانو ګمارنه لا هم دوام لري.
رخشانه: په دې راپور کې چې په دې وروستیو کې خپور شوی راغلي، د «بچه بازۍ» پدیده د طالبانو تر واک لاندې افغانستان کې شتون لري او په ځینو مواردو کې د دې ډلې غړي، د بچه بازی عامل دي.
دې وزارت په خپل راپور کې د طالبانو تر واک لاندې افغانستان کې «بچه بازي» د «جنسي غلامۍ» بېلګه یاده کړې ده.
د دې راپور له مخې، طالبانو د ښځو، د لږکیو ډلو د غړو او د انساني قاچاق په وړاندې د ټولو زیان مننونکو پاړکیو حقونه، کمزري کړي دی.
د امریکا د بهرنیو چارو وزارت وايي، طالبانو په غیردولتي سازمانونو د محدودیتونو په لګولو سره، افغانستان کې د انساني قاچاق د قربانیانو د ملاتړ خنډ شوي دي.
په دې راپور کې راغلی، طالبانو د انساني قاچاق د مخنیوي لپاره هېڅ ډول اقدام نه دی کړی.
راپور کې راځي، د طالبانو په لیکو کې د ماشومانو ګمارنه لا هم دوام لري او د دې ډلې سیمه ییز غړي، په پېژندپاڼو کې د ماشومانو د سن په جعل سره، هغوی د خپلو ځواکونو په لیکو کې ګماري.
دې وزارت د ښخو او نجونو د تګ راتګ پر حقونو لګول شویو محدودیتونو او کار او زده کړو ته د هغوی د لاسرسي کمېدو ته اشاره کړې وايي، دې محدودیتونو د دوی د استحصال په وړاندې زیان مننه د پام وړ زیاته کړې ده.
