ملګرو ملتونو په خپل وروستي راپور کې ویلي، د ۲۰۲۳ میلادي کال له پیله د ۲۰۲۵ کال تر پای پورې، د طالبانو تر واک لاندې افغانستان کې یو زر ۴۱۵ ماشومان وژل شوي او ۹۶۹ نور معلول شوي دي.
رخشانه: دا راپور چې تازه او «په افغانستان کې په وسله والو شخړو کې ماشومان» تر عنوان لاندې خپور شوی راغلي، په وژل شویو او معلولینو کې یو زر ۹۴ هلکان، ۳۱۰ نجونې او ۱۱ په نامعلوم جنسیت ماشومان شامل دي.
د ملګرو ملتونو راپور کې راغلي، له دې جملې د ۴۸۲ ماشومانو مړینه په ۲۰۲۳، ۵۴۳ مورده په ۲۰۲۴ او ۳۹۰ مورده نور په ۲۰۲۵ میلادي کال کې ثبت شوي دي.
د یو زر او ۱۶۵ ماشومانو وژل کېدل په «نامعلومه کسانو« ۵۴ مورده په طالبانو، ۳۰ مورده په داعش، اووه مورده د «افغانستان د مقاومت ملي جبهې» او ۱۵۹ مورده د پاکستان په وسله والو ځواکونو پورې تړل شوي دي.
ملګرو ملتونو په خپل راپور کې ویلي، افغانستان کې د ماشومانو تر ټولو ډېره وژنه د ناچاودو توکو له امله وه، چې د ماشومانو د ټولې وژنې ۸۰ سلنه جوړوي.
دا بنسټ وايي، د پاکستان د هوايي بریدونو ناتاره ډزې هم په افغانستان کې د ماشومانو د تلفاتو تر ټولو عمده لامل دی.
ملګرو ملتونو زیاته کړې، د مرمیو لګېدو، فزیکي بریدونه، د چاودېدونکو توکو چاودنې او لاسي بمونه د ماشومانو د وژل کېدو نور عوامل دي.
د ملګرو ملتونو له خوا دا راپور پر داسې مهال خپور شوی، چې دوه ورځې وړاندې اوچا په یوه راپور کې اعلان وکړ، چې په افغانستان کې د ناچاودنو توکو د چاودنو ۷۸ سلنه قربانیان ماشومان دي.
