فرانسه کې مېشتې افغان پاراتواکواندوکارې زکیه خدادادي د پاریس د ۲۰۲۶ کال په «ګرنډپري پاراتکواندو» سیالیو کې د سپینو زرو مډال وګاټه.
رخشانه: دا سیالۍ پرون جمعه د (تلې ۱۷ مه) د فرانسې په لووالوا پره ښار کې تر سره شوې.
مېرمن خدادادي د ښځو د K44 کلاس په منفي ۴۷ کیلوګرامه وزن کې په دې سیالیو کې ګډون کړی وو.
نوموړې د یو په څلورمه نیمايي او نیمايي پړاونو کې د دوه بریاوو او په وروستي پړاو کې د ماتې په منلو سره، د دې سیالیو د سپینو زرو مډال تر لاسه کړ.
خدادادي د دې مډال تر ګټلو وروسته په خپله انسټاګرام پاڼه په یوه پیغام کې لیکلي دي چې «د ویاړ او غرور احساس کوي.»
افغان پاراتکواندوکارې لوبغاړې لیکلي دي: «هېڅ مډال دا ثابتوي، چې هېڅ شی نشي کولی خنډ شي، هڅې دوام لري، هیلې لا هم ژوندۍ دي او لا هم تر ټولو ښې ورځې په مخکې دي.»
نوموړې وايي، یوازې د ځان لپاره نه، بلکې د ټولو افغان ښځو لپاره مبارزه کوي، هغه ښځې چې د دې په وینا «سره له ټولو محدودیتونو، لا هم هیلې لري او د آزادۍ او برابرۍ لپاره جګړه کوي.»
خدادادي څلووېشت ورځې وړادې هم د ۲۰۲۶ کال د پاراتکواندو د «ګرنډپري» نړیوالو سیالیو د برونزو مډال ګټونکې شوې وه.
هغه یو له هغو لوبغاړو ده، چې تل یې په افغانستان کې د ښځو د حقونو په ځانګړې توګه د نجونو د زده کړو او ورزش له حقونو ملاتړ کړی دی.
طالبانو افغانستان کې د نورو محدودیتونو سربېره، ښځې له لوبو او ورزش څخه هم محرومې کړې او د ښځو ټولې ملي لوبډلې یې منحل کړې دي.
