د افغانستان انټرنېشنل شبکې خبریاله مریم رحمتي، چې په دې وروستیو کې یې د «ملګرو ملتونو د خبریالانو ټولنې» د ۲۰۲۶ کال افتخاري جایزه ګټلې وايي، د دې جایزې ویاړ د افغان ښځو اړوند دی.
رخشانه: د «ریکاردو اورتګا یاد» جایز هر کال هغه فعال او برجسته خبریال ته ورکول کېږي، چې د ملګرو ملتونو اړوند تلوېزیونو او راډیويي پېښو د پوښښ په برخه کې یې فعالیت کړی وو.
د افغانستان انټرنېشنل خبریاله مریم رحمتي د ملګرو ملتونو د مقر، په افغانستان کې د بشري حقونو پورې اړوند پروګرامونو او ښځو د ځپلو اړوند خبرونه پوښي.
هغې د دې جایزې تر لاسه کولو وروسته ویلي، تل یې هڅه کړې، چې په خپلو راپورنو کې د ښځو او بشري حقونو د سرغړونو د قربانیانو غږ ته انعکاس ورکړي.
مېرمن رحتمي افغانستان انټرنېشنل تلوېزیون ته ویلي «د خوښۍ او غم حس په ورته وخت حس» تجربه کوي، ځکه افغان ښځې د طالبانو د محدودیتونو له امله، له خپلو حقونو او آساسي خپلواکیو محرومې دي، په داسې حال کې، چې دا د کار او بیان د آزادۍ له حق څخه برخمنه ده.
هغه په افغانستان کې د طالبانو د لومړۍ دورې حاکمیت کې د ښځو وضعیت ته په اشارې سره وايي، دا یو له هغو سلو نجونو ده، چې هغه مهال یې تر شپږم ټولګي پورې په پټه ښوونځی لوستی دی.
مریم رحمتي دا جایزه په ټولو افغان ښځو او نجونو پورې اړوند بولي، چې د طالبانو د محدودیتونو له امله، د خپل غږ له پورته کولو محرومې دي.
هغه لومړنۍ افغان خبریاله ده، چې په ۲۰۲۶ کال یې د خپلې خبریالۍ په پار، د ملګرو ملتونو د خبریالانو ټولنې جایزه ګټلې ده.
ټاکل شوې د دې جایزو د ورکړې مراسم په راتلونکو ورځو کې د ملګرو ملتونو په مقر کې، د دې سازمان د سرمنشي په شتون کې تر سره شي.
د دې افغان خبریالې له خوا د جایزې تر لاسه کولو خبر، د خبریالانو، د بشري حقونو د مدافعینو او افغان وګړو غبرګونونه را پارولي دي.
