ننګرهار کې د طالبانو د والي رسنیز دفتر په یوه اعلامیه کې ویلي، د دې ولایت شېرزاد ولسوالۍ کې د یوې پخوانۍ مرمۍ د چاودنې له امله یوه ۱۲ کلن ماشوم خپل ژوند له لاسه ورکړی دی.
رخشانه: دا پېښه پرون مازیګر یکشنبې د (لړم ۳ مه) د شېرزاد ولسوالۍ «ګندمک» سیمه کې رامنځ ته شوې ده.
اعلامیه کې راوړل شوي دا پخوانی مرمۍ هغه مهال چاودنې، چې ماشوم پرې لوبې کولې.
دا ماشوم هلک وو او همت نومېده.
ننګرهار کې د طالبانو د والي رسنیز دفتر وايي، د دې ماشوم کورنۍ ته به پاملرنه وشي.
هر کال په هېواد کې لسګونه کسان په ځانګړې توګه ماشومان د جګړو له مهاله د پاتې ماینونو او ناچاودنو توکو د چاودنو قرباني کېږي.
افغانستان کې د ملګرو ملتونو د بشري مرستو د همغږۍ دفتر (اوچا) څه موده وړاندې اعلان وکړ، چې افغانستان کې د چاودېدونکو توکو د چاودنو ۷۸ سلنه قربانیان ماشومن دي.
د دې بنسټ په وینا، ناچاودي توکي لا هم په افغانستان کې یو هره ورځنی ګواښ ګڼل کېږي.
