د « شنبه های ارغواني غورځنګ» غړو ویلي، له طالبانو سره د یو شمېر هېوادونو تعامل د دې ډلې په پیاوړتیا او د افغان ښځو د مبارزو په کمزوري کولو تمامېږي.
رخشانه: د دې اعتراضي غورځنګ غړو نن (دوشنبې د لړم ۱۱ مه، د یوې بیانیې په خپرولو د طالبانو سره د یو شمېر هېوادونو «د اړیکو عادي کولو او تعامل» باندې نیوکه کړې ده.
د «شنبه های ارغواني غورځنګ» غړو ویلي، د طالبانو سره د تعامل سرلیک له «سیاسي» څخه و «تخنیکي» ته بدلول به د هغې پایلې، په ځانګړې توګه د دې ډلې د دریځ د مشروعیت او پیاوړتیا له نظره بدلې نه کړي.
د دوی په وینا، دا تعامل که په هر نوم او ډول وي، کولی شي د طالبانو د مقام په پیاوړتیا او د دې ډلې د قدرت د تثبیت سره مرسته وکړي.
معترضو ښځو د طالبانو له لوري هرات کې د حجاب نه مراعات کولو په تور د ښځو او نجونو پر نیول کېدو اندېښنه وښوده وايي، دا عمل د ښځو د مشروع غوښتونو په وړاندې د طالبانو د ځپلوونکي چلند ښکارندويي کوي.
د یاد غورځنګ غړو ټينګار کړی، چې طالبان د ښځو د پر حق غوښتنو ته د ځواب ویلو او د هغوی اساسي خپلواکیو ته د درناوي پر ځای، هغوی ځپلې او غږونه یې ورغلي کړي دي.
دوی، د طالبانو له زاندانونو په هرات کې ښار کې د حجاب نه رعایت کولو په تور د نیول شویو ښځو او نجونو د ژر تر ژره خوشي کېدو غوښتنه وکړه.
معترضو ښځو د جرمونو ضد نړیوالې محکمې له خوا د طالبانو د لوړو زده کړو او پوهنې وزیرانو د نیولو د حکم له علني کېدو هرکلی وکړ او غوښتنه یې وکړه، چې د جنایتونو او بشر ضد جرمونو د تر سره کولو له امله دې، د ټولو طالب مشرانو د نیولو حکم صادر شي.
همدارنګه هغوی له دې محکمې وغوښتل، د هغه طالب مشرانو د نیولو زمینه برابره کړي، چې د نیولو حکم یې صادر شوی، تر څو د دې جرمونو د پراختیا او دوام مخنیوی وشي.
