د افغانستان لپاره د ملګرو ملتونو د بشري حقونو بنسټ ځانګړي راپورورونکوکي ریچارډ بنټ ویلي، د افغان ښځو د حقونو د سرغړونو د څېړلو لپاره د ولسي محکمې د جوړېدو هرکلی کوي.
رخشانه: ښاغلي بنټ تېره ورځ (جمعه د زمري ۱۰ مه) په خپله اېکس پاڼه لیکلي: «له دغه ولسي محکمې چې د افغانانو په مشرۍ د افغانستان د خلکو لپاره د ځواب وینې په موخه جوړه شوې ده، هرکلی کوم.»
د افغانستان لپاره د ملګرو ملتونو د بشري حقونو بنسټ ځانګړي راپور ورونکوکي ریچارډ بنټ زیاته کړې:« دا ولسي محاکمه د قربانیانو او ژوندي پاتې شویو کسانو په شهادت تمرکز کوي.«هغه په دوام لیکلي، عدالت کولی شي بېلا بېلې بڼې ولري او «له ټولو توکو د ګټې اخیستنې» کړنلاره باید جامع، پراخ او په پاتې شویو کسانو متمرکز وي.»
دوه ورځې وړاندې د «روادارۍ» یا زغم په نوم د بشري حقونو بنسټ اعلان وکړو، چې د بشري حقونو د درې نورو بنسټونو په همکارۍ یې د افغان ښځو د حقونو څخه د سرغړونې د ارزونې په موخه یوه ولسي محکمه رامنځ ته کړې ده.
د زغم بنسټ د طالبانو له لوري په هېواد کې د ښځو او نجونو په اساسي حقونو او خپلواکیو پراخه محدویتونو ته په اشارې ویلي وو، د دې ولسي محکمې په جوړولو سره یې«د عدالت غوښتنې او د خپلو جنایتونو په اړه د طالبانو ځواب وینې لپاره یوه بله لار پرانسته.»
یاده محکمه به د نړیوالو وکیلانو، عدالت غوښتونکو، د تاوتریخوالي شاهدانو او کارپوهانو سره په همکارۍ د روان کال د اکتوبر په لسمه نېټه د هسپانیې په مادرید کې د ښځو پر وړاندې د «طالبانو جنایتونه» وڅېړي.
دغه نړیواله محکمه به په خپلواکه توګه د جنسیت پر بنسټ د «ربړونې» چې د نړیوال قانون له مخې پیژندل شوي جرمونه دي، اسناد او لاسوندونه وارزوي.
