د روغتیا نړیوال سازمان (WHO) په خپل تازه راپور کې افغانستان کې د پولیو یا ماشومانو د ګوزڼ د یوې بې مثبتې پېښې د ثبت خبر ورکړی وايي، په دې سره د پولیو مثبتې پېښې ۵۰ مورده ته ورسېدې.
رخشانه: دې بنسټ تازه په یوه راپور کې ویلي دي، د روان میلادي کال د اکتوبر تر ۳۰ پورې، افغانستان کې د پولیو ۵۰ مثبتې پېښې ثبت شوې دي.
د روغتیا نړیوال سازمان د شمېرو له مخې، اګست میاشت د ۱۸ مورده پېښو په ثبت سره، په دې ویروس د اخته کسانو تر ټولو ډېر شمېر ځان ته ځانګړی کړی دی.
د دې سازمان په وینا، د کور په کور واکسین بندلو، د ښځینه وکسیناتورانو کمښت، د افغانستان په سویل کې د پولیو د پراختیا په اصلي کانون بدل شوی دی.
دا راپور وايي، افغانستان کې د پولیو د ۵۰ مورده مثبتو پېښو څخه، نیمايي هغه یې (۲۵ پېښې) په سویلي ولایتونو کې پېژندل شوې دي.
د روغتیا نړیوال سازمان ویلي، تېر میلادي کال افغانستان کې په پولیو د اخته کسانو شمېر په ټولیز ډول ۲۱ مورده شوی وو.
د دې سازمان په وینا، روان میلادي کال افغانستان کې د پولیو ویروس ۱۰۹ چاپېریالي پېښې هم ثبت شوې دي.
دا محال په هېواد کې د پولیو واکسین کمپاین د طالبانو د محدودیتونو له امله په جوماتونو او ګڼ مېشتو ځایونو کې تر سره کېږي. له دې وړاندې دا کمپاین کور په کور تر سره کېده.
د روغتیا نړیوال سازمان وايي، افغانستان دا مهال په نړۍ کې په پولیو د اخته کسانو لوړ شمېر لري.
