دایکنډې کې د طالبانو سیمه ییز چارواکي وايي، د دغه ولایت شهرستان ولسوالۍ کې دوه ماشومې نجونې د هلمند سیند ته لوېدلې او ژوند یې له لاسه ورکړی دی.
رخشانه: دایکندي کې د طالبانو د امنیه قوماندانۍ ویاند غلام علي جاوید ویلي، دغه دوه نجونې تېره ورځ (جمعه د زمري ۱۰مه) غرمه مهال ۱۰:۳۰ بجې د دایکنډي ولایت د شهرستان ولسوالۍ په «پته زار پل پای اشکار آباد» سیمه کې سیند ته لوېدلې او ژوند یې له لاسه ورکړی دی.
دایکنډي کې د طالبانو د امنیه قوماندانۍ ویاند وايي، دغه دوه ماشومانې ۹ کلنه نرمین او ۱۰ کلنه فرشته نومېږي.
نوموړي زیاته کړې، د یادو دو ماشومانو جسدونه د سیمې د خلکو له خوا د اوبو څخه را ایستل شوي او خپلو کورنیو ته سپارل شوي دي.
دغه دوه ماشومې اصلي د غور ولایت دي.
سیند ته د یادو نجونو د لوېدو او ډوبېدو د څرنګوالي په اړه تر اوسه معلومات نشته.
