پنجشېر کې سیمه ییز طالب چارواکي وايي، د دې ولایت په (رخه) ولسوالۍ کې یوه مېرمن له کړنګ څخه د لوېدو له امله ژوند له لاسه ورکړی دی.
رخشانه: د پنجشېر د رخه ولسوالۍ طالب ولسوال سید سیمع الله صاحب زاده ویلي، دغه پېښه نن (یکشنبې د زمري ۱۲ مه) د رخه په حصارک سیمه کې رامنځ ته شوې ده.
د صاحب زاده په وینا، دغه ښځې توت ټولول چې له ۴۰ متره لوړ ځای څخه پرېوته او ژوند یې له لاسه ورکړ.
طالب ولسوال، د دغه مېرمن د عمر او هویت په اړه څه نه دي ویلي.
پنجشېر کې د طالبانو د اطلاعاتو او کلتور ریاست هم په یوه خبرپاڼه کې، د دغه مېرمنې د مړه کېدو پخلی کړی دی.
