د طالبانو د سترې محمکې له لوري د خپرې شوې اعلامیې پر اساس، دغه ډلې روانه اوونۍ د پنځو ښځو په ګډون ۱۶ تنه د بېلا بېلو تورونو له امله په کابل، کاپیسا، بدخشان او سرپل ولایتونو کې په عام محضر کې په دورو وهلي دي.
رخشانه: دغه شمېر کسان د «غلا، نامشروع او له واده بهر جنسي اړیکو» په تور په عام محضر کې په دورو وهل شوي دي.
د یکشنبې ورځ د (زمري ۲۶ مه) د یوې ښځې په ګډون څلور تنه د «غلا او له واده بهر جنسي اړیکې» په تور په کابل کې په عام محضر کې په دورو وهل شوي دي.
د یوې ښځې په ګډون دوه تنه د «له واده بهر جنسي اړیکې» په تور د کابل په چهار آسیاب ولسوالۍ کې په عام محضر کې ۳۹ دورې و وهل شول.
دغه دوه تنه د کابل په چهارآسیاب ولسوالۍ کې د طالبانو د ابتدايي محکمې له خوا په یوه او درې کاله تنفذي بند هم محکوم شوي دي.
دوه نور کسان د «غلا» په تور په کابل ښار کې د خلکو پر وړاندې ۳۹ دورې و وهل شول.
دغه دوه کسان د کابل ښار د جزا او دیوان محکمې د پرېکړې له مخې په درې کاله تنفذي بند هم محکوم شوي دي.
د دوشنبې ورځ د (زمري ۲۷ مه) یو تن «د نامشروع اړیکو» په تور د کاپیسا ولایت په حصه اول ولسوالۍ کې د خلکو پر وړاندې په دورو وهل شوی دی.
دغه کس د کاپیسا په حصه اول ولسوالۍ کې د طالبانو د ابتدایه محکمې له لوري د شپږ میاشتې تنفذي بند سزا هم اورول شوې ده.
د چهارشنبې ورځ د (زمري ۲۹ مه) د څلورو ښځو په ګډون ۱۱ تنه په بدخشان او سرپل ولایتونو کې د بېلا بېلو تورونو له امله په عام محضر کې په دورو وهل شوي دي.
یو تن د «لواطت» په تور د بدخشان په شهر بزرګ ولسوالۍ کې د خلکو پر وړاندې ۳۹ دورې وهل شوی او د دوه کاله تنفذي بند سزا هم ورته اورول شوې ده.
د څلورو ښځو په ګډون لس تنه نور بیا د «نامشروع او له واده بهر جنسي اړیکو» په تور د سرپل په ګوسفندي ولسوالۍ کې د خلکو پر وړاندې ۳۹ دورې وهل شوي دي.
دغه کسانو ته د سرپل په ګوسفندي ولسوالۍ کې د طالبانو د ابتدایه محکمې له خوا له اتو میاشتو تر څلورو کلونو پورې د تنفذي بند سزا هم اورول شوې ده.
