ننګرهار کې سیمه ییز طالب چارواکي وايي، د دې ولایت په شینوارو ولسوالۍ کې د دوو هوايي بریدونو په ترڅ کې د درې ماشومانو او یوې ښځې په ګډون د یوې کورنۍ څلور غړي ټپیان شوي دي.
رخشانه: ننګرهار کې د طالبانو مرستیال والي عزیزالله مصطفی خبریالانو ته ویلي، دغه پېښه د چهارشنبې په شپه د (وږي ۵ مه) شاوخوا ۱۱:۰۰ بجې د دې ولایت د شینوارو ولسوالۍ د «اته ویشتمې ویالې» په سیمه کې رامنځ ته شوې ده.
دغه دوه هوايي بریدونه د شهسوار په نوم د یوه غیر نظامي سړي په کور شوي، چې په ترڅ کې یې درې ماشومان او یوه ښځه ټپیان شوي دي.
ننګرهار کې د طالبانو د مرستیال والي په وینا، په دغه دوو هوايي بریدونو کې د هغوی د کور درې خونې هم نړېدلې دي.
هغه د دې هوايي بریدونو په تړاو د چا نوم وانخیست، خو ویې ویل، دغه ډول اقدامات به د سیمې پر ثبات اغېز ولري.
د ننګرهار شینوارو ولسوالۍ کې یوې سیمه ییزې سرچینې ویلي، شهسورا له هېڅ ډلې سره اړیکه نه لري او د ماشومانو د ګذڼ ضد واکسین کارکوونکی دی.
پاکستان د طالبانو په تېره څلور کلنه واکمنۍ کې له دې وړاندې هم څو ځلې د افغانستان ډېورنډ کرښې ته څېرمه د پاکستاني طالبانو (ټي ټي پي) د ځپلو په موخه ګڼ هوايي بریدونه کړي دي.
