د ننګرهار ولایت په څلورو ولسوالیو کې د سختو بارانونو او سېلابونو راوتو له امله د دوه ماشومو نجونو په ګډون ۵ تنه مړه شوي او ۱۵ نور ټپیان شوي دي.
رخشانه: ننګرهار کې د طالبانو د اطلاعاتو او کلتور ریاست په خپره کړې خبرپاڼه کې راغلي، دغه کسان د جمعې په شپه د (وږي ۷ مه) په سپین غر، اچین، رودات او چپرهار ولسوالیو کې د سخت ورښت، سېلابونو راوتلو او یوه کور د چت لوېدو پېښو کې قرباني شوي دي.
د ننګرهار په سپین غږ ولسوالۍ کې د سخت ورښت او استوګنې یوه کور د چت لوېدو له امله دوه نجونو ژوند له لاسه ورکړی او د دغه کورنۍ درې نور غړي ټپيان شوي دي.
د دغه پېښې د ټپیانو، هویت، جنسیت او روغتیايي حالت نه دی معلوم شوی.
دغه راز د ننګرهار، په رودات، اچین او چپرهار ولسوالیو کې د سېلابونو له امله درې تنه مړه شوي او ۱۲ نور ټپیان شوي دي.
د دغه پېښې د ټپیانو د هویت، جنسیت او عم په اړه هم څه نه دي ویل شوي.
د سېلابونو له امله د جلال آباد- تورخم لار هم د ترافیکو پر مخ تړل شوې او زرګونه هکتاره کرنیزه ځمکه او سلګونه کورونه هم ویجاړ شوي دي.
