د افغانستان د ځواکمنو ښځو غورځنګ وايي، له زده کړو د نجونو محرومول، هېواد د تیارو، شاه تګ او تباهۍ لور ته وړي.
رخشانه: د دغه اعتراضي غورځنګ غړو تېره ورځ(سه شنبې د وږي ۱۸ مه) د سواد نړیوالې ورځې په مناسب په یوه اعلامیه کې ویلي، افغان ښځې او نجونۍ د جنسیت له امله د طالبانو له خوا له زده کړو محرومې کړای شوې دي.
معترضو مېرمنو د افغان ښځو او نجونو پر مخ د ښوونځیو او پوهنتونو دروازو تړل کېدو ته په اشارې وايي، طالبانو هغوی یوازې د «ښځې والي په جرم» له زده کړو او تحصیل څخه محرومې کړې دي.
هغوی له زده کړو د ښځو او نجونو محرومیت«څرګند محرومیت، له بشري حقونو جدي سرغړونې، او د ټولو نړیوالو تړونونو، له هغې ډلې د بشري حقونو د نړیوالې اعلامیې او د ښخو پر وړاندې د تبعیض د مخنیوي کنوانسیون (CEDAW) خلاف وبلل.
د ځواکمنو ښخو د اعتراضي غورځنګ غړو ویلي، له باسواده ښځو پرته به هېڅ ټولنه پرمختګ ونه کړي او له زده کړو د نجونو محرومول افغانستان د تیارو، شاته پاتې کېدو او تباهۍ لور ته بیايي.
هغوی له ملګرو ملتونو، بشري حقونو شورا، نړیوالې ټولنې او نړۍ له ټولو هېوادونو غوښتي، چې له زده کړو د افغان ښځو او نجونو د محرومیت پر وړاندې چوپ پاتې نه شي.
همدارنګه معترضو مېرمنو له ملګرو ملتونو او نړیوالې ټولنې غوښتي، چې له سیاسي او دیپلوماتیکو لارو پر طالبانو فشار راوړي، تر څو د نجونو پر مخ د ښوونځیو او پوهنتونونو دروازې پرانیزي.
