طالبانو روانه اوونۍ تخار، کابل، بلخ او بغلان ولایتونو کې د شپږو ښځو په ګډون ۳۰ تنه د بېلا بېلو تورونو له امله، عام محضر کې په دورو وهلي دي.
رخشانه: دغه کسان د «له واده بهر جنسي اړیکې، ټابلېټ کا نشه يي ګولیو، چرش او شیشې د پېر، پلور او قاچاق، نامشروع اړیکې، اخلاقي فساد، له کوره تېښتې او غلا» په تورو دې څلورو ولایتونو کې په دورو وهلي دي.
یکشنبې د (د وږي ۱۱۶ مه) یو تن «له واده بهر جنسي اړیکې» په تور د تخار ولایت درقد ولسوالۍ کې د خلکو پر وړاندې ۳۹ دورې وهل شوی او څلور کاله تنفذي بند سزا ورته اورول شوې ده.
چهارشنبې (د وږي ۱۹ مه) د دوه ښځو په ګډون ۱۸ تنه«له واده بهر جنسي اړیکې، ټابلېټ کا نشه يي ګولیو، چرش او شیشې د پېر، پلور او قاچاق، نامشروع اړیکې، اخلاقي فساد، له کوره تېښتې» په تور په کابل، بلخ او بغلان ولایتونو کې د خلکو پر وړاندې په دورو وهل شوي.
۱۴ تنه د « ټابلېټ کا نشه يي ګولیو، چرش او شیشې د پېر، پلور او قاچاق» په تور په کابل کې له ۲۰ تر ۳۹ دورې و وهل شول.
دغه کسان کابل کې د طالبانو د نشه يي توکو او مسکراتو ضد محکمې د پرېکړې پر اساس له لسو میاشتو تر دې کلونو او شپږو میاشتو تنفذي بند باندې هم محکوم شوي دی.
د یوې ښځې په ګډون دوه تنه د«نامشروع اړیکې» په تور په بلخ ولایت کې د خلکو پر وړاندې ۳۹ دورې وهل شوي او یو کال تنذي بند سزا ورته اورول شوې ده.
د یوې ښځې په ګډون دوه تنه نور بیا د «اخلاقي فساد او کوره د تېښتې» په تور د بغلان الینګار ولسوالۍ کې د خلکو پر وړاندې ۳۹ دورې وهل شوي دي.
دغه کسان د بغلان الینګار ولسوالۍ کې د طالبانو د ابتدایه محکمې له خوا د اووه کاله تنفذي بند سزا هم اورول شوې ده.
پنشنې (د وږي ۲۰ مه) د څلورو ښځو په ګډون ۱۱ تنه د «نامشروع اړیکې او غلا» په تور د تخار ولایت په ینګي قلعه او خواجه بهاوالدین ولسوالۍ کې د خلکو پر وړاندې په دورو و وهل شول.
دغه کسان د تخار ینګي قلعه او خواجه بهاوالدین ولسوالۍ کې د طالبانو د ابتدایه محکمې له لوري له څلورو میاشتو تر درې کلونو په تنفذي بند هم محکوم شوي دي.
