طالبانو روانه اونۍ په کاپیسا او خوست ولایتونو کې د شپږو ښځو په ګډون، ۱۶ تنه د بېلا بېلو تورونو پر اساس د خلکو پر وړاندې په دورو وهلي دي.
رخشانه: دغه کسان له «کوره د تېښتې، نامشروع اړیکې او اخلاقي فساد» په تور په دې دوه ولایتونو کې په دورو وهلي دي.
د یکشنبې په ورځ د (تلې ۶ مه) د شپږو ښځو په ګډون ۱۶ تنه کسان له «کوره د تېښتې، نامشروع اړیکې او اخلاقي فساد» په تور په کاپیسا او خوست ولایتونو کې د خلکو پر وړاندې په دورو و وهل شول.
د شپږو ښځو په ګډون ۱۳ تنه له «کوره د تېښتې او نامشروع اړیکې» په تور په کاپیسا ولایت کې د خلکو پر وړاندې ۳۹ دورې وهل شوي دي.
معلومه نه ده، چې دغه کسان په څومره بند محکوم شوي دي.
درې تنه نور بیا د «اخلاقي فساد او نامشروع اړیکې» په تور د خوست ولایت نادرشاه کوټ ولسوالۍ کې ۳۰ دورې وهل شوي دي.
دغه کسان د خوست نادرشاه کوټ ولسوالۍ کې، د طالبانو د ابتدایه محکمې د پرېکړې پر اساس په درې میاشتې تنفذي بند هم محکوم شوي دي.
طالبانو تېره اوونۍ هم د اتو ښځو په ګډون ۳۲ تنه په کابل، کاپیسا او میدان وردګ ولایتونو کې د بېلا بېلو تورونو پر اساس په عام محضر کې په دورو وهلي وو.
