هرات کې د هراتي بلاګرې نجلۍ عالیې ملوری سرچینې او خپلوان تاییدوي، چې هغه د طالبانو له بنده خوشې شوې ده.
رخشانه: د ملورین کورنۍ ته نېږدې یوې سرچینې د هویت پټ ساتلو سره رخشانې رسنۍ ته تایید کړې، چې هغه د تېرې اوونۍ د چهارشنبې په ورځ (د تلې ۳ مه) له درو شپو ورځو زندان وروسته خوشې شوې ده.
د سرچینې په وینا، طالبانو له دې بلاګرې نجلۍ ژمنه اخیستې، چې په ټولنیزو رسنیو به خپل فعالیت دروي.
ملورین د «طالبانو د خوښې پرته اغوستلو پرته په تبلیغاتي ویډیوګانو کې د راڅرګندېدونو» له امله نیول شوې وه.
سرچینې ویلي: «په هغه ویډیوګانو کې، چې عالیې په انسټاګرام خپرولې، مخ او ویښتان یې لیدل کېدل او امربالمعروف ورته ویلي، په اسلام کې روا نه دي، چې ښځه د کمرې مخې ته ودرېږي او [ستا دا کار] جرم ګڼل کېږي.»
هرات کې د طالبانو د امربالمعروف ځواکونو د دوشنبې (وږي ۳۱ مه) مازیګر مهال عالیه ملورین نیولې وه.
د هغې د نیولو سره هم مهاله د هغې ټولې تبلیغاتي ویډیوګانې او انځورونه له انسټاګرام پاڼې پاکې کړای شوې دي.
د عالیې ملورین انسټاګرام پاڼې له ۶۰ زره زیات څاروونکي درلودل او هغه زیاتره د تبلیغاتي ویډیوګانو په چوکاټ کې راڅرګندېده او دا فعالیت یې د ګټې تر لاسه کولو یوه لار بلل کېده.
د ښځو او نجونو پر مخ د ښوونیزو مرکزونو او پارکونو تړل کېدو یو شمېر په مجازي نړۍ کې د بلاګرۍ فعالیت ته مخ کړه. ښځینه بلاګران هم په ټولنیزو رسنیو د انځورونو او ویډیوګانو په خپرولو سره د مخاطبینو د جلب تر څنګ ګټه ترلاسه کوله.
د طالبانو له لوري د یوې بلاګرې نجلۍ نیول او زنداني کول او د هغې د تبلیغاتي پاڼې تړل کېدل، کېدای شي په مجازي نړۍ کې د ښځو پر فعالیتونو د تازه فشارونو د پیل نښه وي.
