د ملګرو ملتونو د ښځو څانګې د کلیوالي ښځو د نړیوالې ورځې په مناسبت، د کلیوالو ښځو او نجونو د حقونو د برابرۍ او پیاوړتیا لپاره د زړه ورو اقداماتو غوښتنه کړې ده.
رخشانه: دغه بنسټ تازه په یوه بیانیه کې لیکلي، چې کلیوالې ښځې او نجونې، «هره ورځ ټولنو ته خواړه ورکوي، له چاپېریاله ساتنه کوي او دوامداره پراختیا پیاوړي کوي.»
د دې بنسټ په اعلامیه کې راغلي، نسلونه کېږي، چې په کلیوالي سیمو کې ښځې ټولیز غورځنګونه د بدلون لپاره لارښود کوي.
اعلامیې راوړي، چې تر ۲۰۳۰ میلادي پورې به په نړۍ کې شاوخوا ۳۵۱ میلیونه ښځې او نجونې په سخته بېوزلۍ کې ژوند وکړي.
په وار وار ملګرو ملتونو پورې تړولو بنسټونو ویلي، په کلیوالي سیمو کې ښځې او نجونې، په نامتناسب ډول له څو اړخیزه بېوزلۍ څخه کړېږي.
د هېواد په کلیوالي سیمو کې ښځې او نجونې د اولادونو پر روزنې او د کور کارونو تر سره کولو سربېره، د کرنې په برخه کې هم د پام وړ کاري ځواک برخه هم جوړوي.
