د ملګرو ملتونو د ماشومانو د ملاتړ صندوق (یونیسف) ویلي، دا مهال په افغانستان کې له ۲۱۲ زره زیات ماشومان، په اسهال اخته کېدو او له اوبو خورېدونکو نورو وژونکو ناروغیو له ګواښ سره مخ دي.
رخشانه: دغه بنسټ تېره ورځ «چهارشنبې د تلې ۲۳ مه» د یوې اعلامیې په خپرولو سره زیاته کړې، د مرادرو او پاکو اوبو بنسټونو تر نړېدو وروسته د ناروغیو د خورېدو ګواښ زیات شوی دی.
یونیسف د روان میلادي کال د اګست په ۳۱ مه د هېواد په ختیځو ولایتونو کې ۶.۳ درجو زلزلو ته په اشارې وايي، د دې زلزلې او د هغې ورپسې ټکانونو په پایله کې د مردارو او پاکو اوبو بنسټونه له منځه تللي دي.
په افغانستان کې د یونیسف استازي ډاکتر تاج الدین ایووالي ویلي، زلزلې د کورونو په ویجاړولو او خلکو د ژوند اخیستو سربېره اوس د ناروغیو د خورېدو له لارې د ګڼو خلکو ژوند اخلي.
هغه دې ته په اشارې، چې له زلزلې پاتې ماشومان دا مهال له ګڼې ګوڼې ډکو او لنډ مهاله پټنځایونو کې تشناب او پاکو اوبو ته له لاسرسي پرته ژوند کوي زیاته کړې چې «دا د یوه روغتیايي ناورین د رامنځ ته کېدو لپاره یو لوی توپان دی.»
یونیسف ویلي، چې افغانستان کې د زلزلې له امله د اوبو ۱۳۲ سرچینې ویجاړې شوې او کورنۍ پاکو اوبو یا د لاس وینځلو امکاناتو ته لاسرسی نه لري.
د دې بنسټ په وینا، په زلزله ځپلو سیمو کې له هرو پنځو کسانو څلور هغه یې د ضرورت رفع کولو په آزاده فضا کې کوي، ځکه په زلزله کې زیاتره تشنابونه ویجاړ شوي او ډېری د دې کسانو اړینو روغتیايي کېټونو لکه، صابون ته لاسرسی نه لري او دغه کار د ناروغیو د خورېدو لپاره شرایط برابروي.
اسهار له درې ډوله ناتوانه وونکو ناروغیو څخه یوه ده. دغه ناروغي کولی شي په څو ساعتونه یا څو ورځې اوږده شي. حاد اسهال له یوې تر ۹ میاشتو پورې ماشومانو کې د مړینې له عاملونو درې عامل دی او هر کال تر پنځه کلنۍ ټیټ له ۴۰۰ زره زیات ماشومان وژني.
د روغتیا نړیوال سازمان ویلي، تر ډېره بریده د څښاک د پاکو اوبو او حفظ الصحې له لارې د کلېنیکي اسهال مخینوی کېدای شي.
