د افغانستان د خبریالانو مرکز (AFJC) اعلان وکړ، چې شمشاد خصوصي تلوېزیون له دوه ورځو وروسته خپلې خپرونې له سره پیل کړې.
رخشانه: دغه مرکز لیکلي، د شمشاد تلوېزیون نن (یکشنبې د تلې ۲۷ مه) غر ماسپښین وروسته ۵ بجې خپل فعالیت له سرپیل کړ.
د طالبانو استخباراتو دوه ورځې وړاندې، د دې خصوصي رسنۍ خپرونې له «پاکستان سره د دې ډلې د جګړې د نه خبري پوښښ» او «د طالبانو له دریځ او د هغوی له اقداماتو څخه نه دفاع» په خاطر بندې کړې وې.
د افغانستان د خبریالانو مرکز د شمشاد رادیو تلوېزیون د بیا پرانستو د هرکلي تر څنګ د هغه د خپرونو دوه ورځې بندښت د «د یوې خپلواکۍ رسنۍ د حقونو ښکار سرغړاوی» وباله.
شمشاد تلوېزیون هم په یوه ویډیو کې، چې پر ټولنیزو شبکو خپره شوې، اسلامي او ملي ارزښتونو او ګټو ته په ژمنتیا سره د خپل فعالیت د بېرته پیل کېدو خبر ورکړی ویلي یې دي چې، «په زیاتو هڅو مو» د طالبانو قناعت تر لاسه کړ.
د افغانستان د خبریالانو مرکز په هېواد کې پر رسنیو د محدودیتونو په اړه اندېښنه څرګنده کړې او له طالبانو یې غوښتي، چې «د رسنیو په چارو کې له هر ډول لاسوهنې ډډه وکړي.»
د طالبانو ډلې د خپلې څلور کلنې واکمنۍ په موده کې، د پراخو محدودیتونو په لګولو سره، ګڼې رسنۍ تړلې، خبریالان یې ګواښلي او په هېواد کې یې د رسنیو ساحه په شدیده توګه محدوده کړې ده.
