په افغانستان کې د ملګرو ملتونو سیاسي استازولی (یوناما) په یوه اعلامیه کې ویلي، د طالبانو تر واک لاندې افغانستان کې د ښځو او نجونو وضعیت «همدارنګه مخ په خرابېدو» دی.
رخشانه: یوناما تېره ورځ (جمعه د لړم ۲مه) د «ملګرو ملتونو د ورځې او د دغه سازمان د اتیایمې کلیزې په مناسبت» لیکلي، دا مهال «افغانستان له ژورو ستونزو سره مخ دی.»
د یوناما په اعلامیه کې راغلي، افغانستان کې بشري ناورین په نړۍ کې یو له تر ټولو سختو ناورینونو څخه دی، چې په کې د دغه هېواد دوه پر درېیمه برخه وګړي بشري مرستو ته اړتیا لري.
د دې بنسټ په وینا، د بودېجې د تمویل کموالی، بېړنیو اړتیاو ته رسېدنې او په افغانستان کې حیاتي مرستو ته ژمن دي.
یوناما د طالبانو له لوري د ښځو پر زده کړو، کار او په عمومي ځایونو کې د شتون محدودیتونو ته په اشارې لیکلي، د طالبانو تر واک لاندې ښځو او نجونو وضعیت مخ په خرابېدو دی او دغه [محدودیتونو] د خلکو بنسټیز حقوق او د دې هېواد راتلونکې کمزورې کوي.
دغه بنسټ ټينګار کړی، چې په افغانستان کې د اقلیم بدلون، وچکالۍ، سېلابونو او د چاپېریال د خرابوالي په څېر ننګونو سره سره، د کاونډیو هېوادونو څخه د میلیونونه کډوالو راستنېدو په هېواد کې شته ناورین څو چنده سخت کړی دی.
یوناما ویلي، دوی به د ټولو ښېکلو خواوو سره د هر اړخیزه حکومتولۍ ملاتړ، د بشري حقونو خوندیتوب او د افغانانو لپاره د نړیوالو ملاتړ زیاتولو لپاره خپلو همکاریو ته دوام ورکړی.
د افغانستان لپاره د ملګرو ملتونو د سرمنشي مرستیالله ځانګړې اتسازې او په هېواد کې د بشري مرستو همغږې کوونکې اندریکا راټواټ ویلي، هغه به د افغانانو سره پاتې شي.
په افغانستان کې د ملګرو ملتونو سیاسي دفتر په نړیواله ټولنه غږ کړیو چې د «یو سوله ایزه، سوکاله، ټولګډونه او تل پاتې افغانستان په لور کار وکړي.»
