په جلاوطنۍ کې د افغانستان د ښځو فوټبال ملي لوبډلې فیفا څلور اړخیزه لوبلړۍ په وروستۍ لوبه کې د لیبیا ښځینه فوټبال ملي لوبډلې ته ۷-۰ ماتې ورکړه.
رخشانه، د دې دواړو لوبډلو تر منځ لوبه د شنبې په شپه (د لړم ۱۰ مه) ۸:۳۰ په مراش هېواد کې تر سره شوې وه.
د لوبې په لومړۍ نیمه پاڼۍ کې نازیه علي دوه ځلې او مونا امیني یو ځل د افغانستان لپاره ګول و وهه او دغه نیمه پاڼې ۳ پر ۰ د هېواد د ښځو فوټبال ملي لوبډلې په ګټه پای ته ورسېده.
په دویمه نیمه پاڼې کې هم د هېواد د ښځینه فوټبال ملي لوبډلې وکولای شول، چې د سیالې لوبډلې دروازه په څلورو ګولونو سره خلاصه کړي او لوبه ۷-۰ پای ته ورسوي. په دویمه نیمه پاڼې کې فاطمې محمدي (دوه ګوله» منیژه نوري او فاطمه حیدري هر یوې یو یو ګول و واهه.
د هېواد ښځینه فوټبال ملي لوډلې، په لومړۍ لوبه کې له چاد هېواده ۱-۶ ماته خوړلې وه او په دویمه لوبه کې یې د ۰-۴ په پایلې سره له تونس څخه ماته منلې وه.
د «فیفا ښځې یو کوي» څلوراړخیزه لوبلړۍ د افغانستان، چاد، تونس او لیبیا د ښځینه فوټبال ملي لوبډلو له خوا د روان لمریز کال د لړم په ۴ مه په مراکش هېواد کې په لار اچول شوې وه.
د «فیفا ښځې یو کوي» لوبړلۍ ټاکل شوې وه، په محتده عربي اماراتو کې تر سره شي، خو دغه هېواد د افغانستان د ښځینه فوټبال ملي لوبډلې غړو ته ویزې ورنه کړې.
په هېواد کې د طالبانو له بیا واکمنېدو وروسته دا لومړی ځل دی، چې د افغانستان ښځینه فوټبال ملي لوبډله په یوه نړیواله سیالۍ کې ګډون کوي.
طالبانو بیا واک ته له رسېدو وروسته، د ښځو سپورت کول منع کړل. د دې محدودیتونو له لګولو وروسته، د افغانستان د ښځینه فوټبال ملي لوبغاړو هېواد پرېښود او په استرالیا، برېتانیا، آلبانیا، پرتګال او امریکا کې یې پناه واخیسته.
