په خواله رسنیو د طالبانو له خوا د هرات حوزوي روغتون ته د چپنه اغوستو او چادرنماز پوښه مېرمنو د مخنیوي ویډیوګانو د خپرېدو سره سم دغه ډله له خپل دریځه په شا شوه.
رخشانه: هرات ولایت کې سرچینو له رخشانې رسنۍ سره په خبرو کې وايي، طالبانو نن جمعه د (لړم ۱۴ مه) بې چادرۍ مېرمنو ته د هرات حوزوي روغتون ته د ننوتو اجازه ورنه کړه.
په هغه انځور کې چې رخشانې رسنۍ ته رسېدلی، یو شمېر چپنه لرونکې او چادرنماز پوښه مېرمنې د هرات حوزي روغتون په انګر کې لیدل کېږي.
په [مستعار نوم] ۲۴ کلنه ثریا چې نن د کورنۍ د یوه غړي د لیدو لپاره روغتون ته ورغلې وه، وايي په چادر نماز کې وتوانېده، چې روغتون ته د ننه شي.
هغې و ویل: «موږ ۹:۳۰ دقیقې روغتون ته ولاړو. فکر مو کاوه چې طالبان اجازه نه راکوي، لومړی مې خاوند د ننه لاړ او کله یې چې خبر راکړ، چې کومه ستونزه نشته زه هم لاړم.»
دا په داسې حال کې ده، چې طالبانو د چهارشنبې په ورځ بې چادرې مېرمنې دولتي ادارو او عمومي روغتونو ته له ننوتلو راوګرځولې.
