طالبانو روانه اوونۍ په لغمان، ننګرهار او غور ولایتونو کې د یوې ښځې په ګډون ۱۷ تنه د بېلا بېلو تورونو له امله د خلکو په وړاندې په دورو وهلي دي.
رخشانه: د طالبانو د سترې محکمې د اعلامیې له مخې، دغه کسان «له کوره د تېښتې، د شرابو د پېر او پلور، لواطت، غلا او اخلاقي فساد» په تورونو په دې درې ولایتونو کې په دورو وهلي دي.
دوشنبې د (لړم ۱۹ مه) لغمان ولایت کې دوه تنه د «لواطت» په تور د خلکو په وړاندې ۳۹ دورې وهلي دي.
معلومه نه ده، چې دا کسان په څومره موده بند محکوم شوي دي.
چهارشنبې د (لړم ۲۱ مه) ننګرهار او غور ولایتونو کې د یوې ښځې په ګډون ۱۵ تنه «له کوره د تېښتې، شرابو د پېر او پلور، لواطت، غلا او اخلاقي فساد» په تور د خلکو په وړاندې په دورو وهلي شوي دي.
د یوې ښځې په ګډون ۱۴ تنه «له کوره د تېښتې، شرابو د پېر او پلور، لواطت او غلا» په تور د ننګرهار په مرکز جلال آباد ښار او لعل پوره ولسوالۍ کې د خلکو په وړاندې له ۳۰ تر ۳۹ دورو وهل شوي دي.
معلومه نه ده، چې دا کسان په څومره موده بند محکوم شوي دي.
یو تن بیا د «اخلاقي فساد» په تور د غور په ساغر ولسوالۍ کې د خلکو په وړاندې ۳۹ دورې وهل شوی دی.
دا هم معلومه نه ده، چې دې کس ته څومره موده د بند سزا اورول شوې ده.
طالبانو تېره اوونۍ هم ۱۷ تنه د بېلا بېلو تورونو له امله په کابل کې د خلکو په وړاندې په دورو وهلي وو.
