په افغانستان کې د ملګرو ملتونو سیاسي استازولۍ (یوناما) ویلي، د افغانستان راتلونکې د ټولو لپاره د زده کړو په برابرولو پورې تړلې ده.
رخشانه: دغه بنسټ نن (چهارشنبې د لړم ۲۸ مه) په خپله فسبوک پاڼه د یوه ویډیو په خپرولو سره لیکلي، چې د نجونو له زده کړو ملاتړ کوي.
افغانستان کې د یوناما سرپرست جورجټ ګانیون کاپیسا کې د هغه ښوونځیو څخه لیدنه وکړه، چې د یونیسف له خوا یې ملاتړ کېږي.
هغه د دې سفر په ترڅ کې په افغانستان کې د نجونو له زده کړو په ملاتړ ټینګار کړی وايي، د دې هېواد راتلونکې د ټولو لپاره د زده کړو په برابرولو پورې غوټه شوی دی.
یو زر او ۲۵۰ ورځې کېږي، چې طالبانو له شپږم ټولګي پورته نجونو پر مخ د ښوونځیو دروازې تړلې دي.
دغه ډلې په دولتي او خصوصي پوهنتونو کې هم د نجونو زده کړې منع کړې دي. له یو زر او ۶۵ زیاتې ورځې کېږي، چې د نجونو پر مخ د پوهنتونو دروازې تړل شوې دي.
د نړیوالو بنسټونو د غوښتونو له هغې ډلې د یوناما او زده کړو د فعالانو سره سره لا هم د طالبانو ډلې د ښوونځیو او پوهنتونو دروازو د خلاصون غوښتنې ته مثبت ځواب نه دی ویلی.
