فراه کې سیمه ییز طالب چارواکي وايي، د دې ولایت ګلستان ولسوالۍ کې یو سړي له خپلې ښځې سر پرېکړی او کم عمره لور یې ټپي کړې ده.
رخشانه: فراه کې د طالبانو د امنیه قوماندانۍ ویاند محمد نسیم بدري ویلي، دغه پېښه تېره ورځ (سه شنبې د لړم ۲۷ مه) د دې ولایت د ګلستان ولسوالۍ په «دهک» کلي کې رامنځ ته شوې ده.
د بدري په وینا، د محمد صادق په نوم یو سړي له خپلې ښځې د چاقو په واسطه سر پرې کړی او کم عمره لور یې ټپي کړې ده.
فراه کې د طالبانو د امنیه قوماندانۍ ویاند زیاته کړې، دغه کس نیول شوی دی.
هغه د دې سړي د ښځې او لور د عمر او هویت په اړه څه نه دي ویلي.
او در مورد هویت و سن همسر و دختر این مرد چیزی نگفته است.
د دې ښځې د وژل کېدو اصلي دلیل هم معلوم نه دی.
هر کال په ځانګړې توګه ښځې او نجونې د کورني تاوتریخوالي په ترڅ کې د خپلې کورنۍ او خپلوانو له خوا وژل کېږي.
واک ته د طالبانو په بیا راتګ سره، د ښځو او نجونو د ځان وژنې او قتل پېښې د هېواد په یو شمېر ولایتونو کې د پام وړ زیاتې شوې دي.
