افغان شاعرې او لیکوالې د ایټالیا د «لائودومیا بوناني» نړیوالې ادبي جایزې او د ښځو د حقونو فعاله پښتنه درانۍ د امریکا د «جینټا ساګان» نړیوالې جایزې ګټونکې شوې.
رخشانه: دغه جایزې تېره ورځ (شنبې د لیندۍ اوله) د شعر د نړیوالې څانګې ادبي جایزې په څلورویستم پړاو کې مېرمن رامش ته ډالۍ شوه.
هغې ویلي، دغه ادبي ډالې د دې د شعر کتاب «کلمه در تبعید» د چاپېدو او «مدني» فعالیتونو له کبله دې ته ورکړل شوې ده.
دغه شاعرې مېرمنې د جایزې تر لاسه کولو وروسته په خپله فسبوک پاڼه لیکلي: «د دغې جایزې ویاړ دې د افغانستان ټولو آزادۍ غوښتونکو او د آزادۍ او برابرۍ لپاره د نه ستړې کېدونکو مبارزو ښځو ته ډالۍ وي.»
هغې زیاته کړې، په افغانستان کې د ښځو لپاره ان لیکل هم جرم ګڼل کېږي، خو هغوی په یوازې ځان د ظلم او جنسیتي توپر په وړاندې مبارزه کوي.
د امریکا د بښنې نړیوال سازمان هم تېره ورځ په یوه اعلایه کې لیکلي، چې د ښځو د حقونو افغان فعاله د دغه بنسټ د «جینتا ساګان» جایزې ګټوونکې شوې ده.
دغه بنسټ لیکلي، یاده جایزه هغو زړورو ښځو ته ډالۍ کېږي، چې په سختو شرایطو کې د ښخو او ماشومانو د حقونو د خوندیتوب لپاره هڅې کوي.
پښتنه درانۍ د طالبانو تر واکمنۍ لاندې د نجونو د زده کړو لپاره فعالیت لري او تر ځمکې لاندې د «ښوونې» ښوونځی اداره کوي.
هغه د هاروارډ پوهنتون څخه زده کړې تر لاسه کړې او تر دې مخکې یې د ملالۍ بنسټ د نړیوالې ښوونې اتلې جایزه او د بي بي سي د غوره ۱۰۰ مېرمنو جایزه تر لاسه کړې ده.
