پاکستان کې د افغان کډوالو د نیولو او ایستلو لړۍ په ترڅ کې د دغه هېواد پولیسو یو افغان خبریال نیول ده.
رخشانه: دغه خبریال عرفان الله اندېشمند نومېږي او د پاکستان له کویټې ښار څخه نیول شوی دی.
ننګرهار کې د خبریالانو ټولنې رییس ایمل ظهیر د اندېشمند د کورنۍ له خولې وايي، د دغه خبریال اړیکه له تېرو پنځلسو ورځو راهیسې پرې شوې ده.
د اندېشمند کورنۍ د هغه له نیول کېدو په اندېښنې سره د هغه د خوشي کېدو غوښتنه کړې ده.
د ننګرهار د خبریالانو ټولنې رییس ویلي، دغه خبریال په قانوني وېزې پاکستان ته سفر کړی وو.
هغه نه ده مشخصه کړې، چې دغه خبریال چېرته ساتل کېږي، تر اوسه یې افغانستان ته د را ایستلو په اړه هم کوم خبر نشته.
عرفان الله اندېشمند ننګرهار کې د همېشه بهار راډیو تلوېزیون او یو شمېر نورو رسنیو سره د همکارۍ سابقه لري.
پاکستان له څو میاشتو راهیسې، د افغان خبریالانو، بشري حقونو فعالانو، معترضو ښځو او پخوانیو نظامیانو نیولو او ایستلو ته زور ورکړی دی.
د پاکستاني دولت له لوري د افغان کډوالو ایستلو د بشري حقونو د فعالانو او د بشري حقونو د بنسټونو د غبرګونونو څپه راپورته کړې او له پاکستان څخه د هغوی د ایستلو د درېدو غوښتنه یې کړې ده.
