طالبانو روانه اوونۍ په ننګرهار، بلخ او کابل ولایتونو کې د دوه ښځو په ګډون ۲۱ تنه د خلکو په وړاندې په دورو وهلي دي.
رخشانه: دغه کسان د «غلا، نامشروع اړیکو، نشه کوونکو ګولیو، الکولي مشروباتو او چرسو د پېر، پلور او قاچاق» په تورونو په دې درې ولایتونو کې په دورو وهلي دي.
یکشنبې د (لیندۍ ۲ مه) دوه تنه د «غلا» په تور د ننګرهار ولایت په سپین غر ولسوالۍ کې د خلکو په وړاندې ۳۹ دورې وهل شوي دي.
دغه کسان په سپین غر ولسوالۍ کې د طالبانو د ابتدایه محکمې د پرېکړې پر اساس په دوه کاله او شپږ میاشتې تنفذي بند هم محکوم شوي دي.
چهارشنبې د (لیندۍ ۵ مه) د دوه ښځو په ګډون څلور تنه د «نامشروع اړیکو» په تور د بلخ ولایت مرکز مزارشریف ښار کې له ۲۰ تر ۳۹ دورو وهل شوي دي.
معلومه نه ده، چې دا کسان په څومره بند محکوم شوي دي.
پنشنبې د (لیندۍ ۶ مه) ۱۵ تنه د «نشه کوونکو ګولیو، الکولي مشروباتو او چرسو د پېر او پلور» په تور په کابل کې له ۱۰ تر ۳۹ دورې وهل شوي دي.
دغه کسان کابل ښار کې د طالبانو د نشه يي توکو او مسکراتو مخنیوي د ابتدایه محکمې د پرېکړې پر اساس له اوو میاشتو تر درې کلونو او شپږو میاشتو تنفذي بند سزا هم اورول شوې ده.
طالبانو تېره اوونۍ د څلورو ښځو په ګډون ۳۷ تنه د بېلا بېلو تورونو له امله په شپږو ولایتونو کې په دورو وهلي وو.
