د خپلواکۍ پر لور د ښځو اعتراضي غورځنګ د «د ښځو په وړاندې د تاوتریخوالي له منځه وړلو» ۱۶ ورځني کمپاین په مناسبت ویلي، د جنسیت پر بنسټ تاوتریخوالی د بنسټیزو حقونو څخه ښکاره سرغړاوی دی.
رخشانه: دغه اعتراضي غورځنګ په یوه پرېکړه لیک کې په «د بشري حقونو په ارزښتونو او برابرۍ پر اصولو، عدالت او انساني کرامت» ټینګار سره د جنسیت پر بنسټ تاوتریخوالی، لکه هغې ډلې د ښځو او نجونو په وړاندې فزیکي، رواني، اقتصادي، جوړښتي او ټولنیز تاوتریخوالی په سختو ټکو غندلی دی.
معترضو ښځو، «له سزا د خونديتوب کلتور پای ته رسېدل یو اړین ضرورت بللی» او له ملي او نړیوالو بنسټونو یې غوښتي، چې د قربانیانو د خوندیتوب او ځواب وینې په پار دې، د تاوتریخوالي د عامیلینو د قانوني څار لپاره ګټورې کړنلارې رامنځ ته او جدي او عملي ګامونه دې پورته کړي.
هغوی دغه راز د ښځو لپاره روغتیايي، حقوقي، رواني او ملاتړ کوونکو خدماتو ته د لاسرسي غوښتنه کړې او د «تاوتریخوالي زېږوونکو اندونو د بدلون لپاره یې د پوهې او زده کړو په ترویج» ټینګار کړی دی.
پرېکړه لیک کې راغلي دي چې «په سیاسي، ټولنیزو، اقتصادي او کتلوري برخو کې د ښځو مانا لرونکی ګډون، د سوله غوښتونکو او له تاوتریخوالي پاکو ټولنو وړاندینی شرط دی.»
د خپلواکۍ پر لور د ښځو غورځنګ غړو، د هغو ښځو لپاره چې د تاوتریخوالي سره مخ شوې د ملاتړو مرکزونو او امن خونو جوړول او همدارنګه د سلا مشورو مرکزونو او د ملاتړ خدمات بېړنۍ اړتیا بللې ده.
هغوی د ښځو پر زده کړو، کار، تګ راتګ د خپلواکۍ او ټولینز ګډون محدودیتونو ته په اشارې د دې محدودیتونو د بشپړ لرې کېدو باندې ټینګار کړی او هغه یې د ټولنې د پیاوړتیا او پرمختګ لپاره بنسټیز شرط ګڼلی دی.
معترضو مېرمنو له مدني بنسټونو، د بشري حقونو له بنسټونو، رسنیو، حکومتونو او ټولو وګړو غوښتي، چې د ښځو په وړاندې تاوتریخوالي په لمنځه وړلو کې ګټوره همکاري او ګډ ګامونه پورته کړي.
