د دایکنډي ولایت مرکز نیلي ښار کې سیمه ییزې سرچینې وايي، طالبانو په دغه ښار کې د سوداګرو ښځو ټولې هټۍ وتړلې.
رخشانه: نیلي ښار کې یوې سرچینې د هویت خوندیتوب سره رخشانې رسنۍ ته ویلي، دغه هټۍ شاوخوا دوه اوونۍ مخکې تړلې دي.
د هغه په وینا، طالبانو په «بازار کې د ښځو د شتون» په دلیل دغه هټۍ وتړلې او سوداګرو ښځو ته یې ویلي، چې خپلې هټۍ د نیلي ښار څخه «نوي ښارګوټي» ته ولېږدوي.
د رخشانې رسنۍ سرچینې زیاته کړې، طالبانو د روان کال په اوږړو کې د «باغ زنانه» په سیمه کې هټۍ جوړې کړې او سوداګرو ښځوته یې ویلي دي، چې هلته هټۍ ولېږدوي.
نیلي ښار کې یوې بلې سرچینې رخشانۍ رسنۍ ته تایید کړې، چې طالبانو په دې ښار کې د سوداګرو ښځو ټولې هټۍ تړلې دي.
د هغه په وینا، طالبانو په نیلي ښار کې د ښځو اړوند شاوخوا ۱۱۵۰ هټۍ تړلې دي.
طالبانو پر هېواد د خپلې څه باندې څلورکلنې واکمنۍ په موده کې د ښځو او نجونو پر زده کړو، کار د سختو محدودیتونو په لګولو سره هغوی په دولتي ادارو او بهرنیو موسسو کې له کار کولو منع کړې دي.
په دولتي او نړیوالو ادارو او موسسو کې د ښځو پر کار محدودیت د دې لامل شویو چې د هغوی اقتصادي وضعیت سخت کمزوری شي.
