جوزجان کې سیمه ییز طالب چارواکي وايي، د دې ولایت «آقچه» ولسوالۍ کې یوه ښځه د خپل ورور له خوا وژل شوې ده.
رخشانه: جوزجان کې د طالبانو د امنیه قوماندانۍ ویاند عبدالستار حلیمي وايي، دغه ښځه تېره ورځ (یکشنبې د لیندۍ ۱۵ مه) د آقچې ولسوالۍ د پنځمې امنیتی حوزې اړوند سیمه کې وژل شوې ده.
د هغه په وینا، دغې ښځې کابو ۳۲ کاله عمر درلود او د ورور له خوا د «چريي» ټوپ په ډزو وژل شوې ده.
جوزجان کې د طالبانو د امنیه قوماندانۍ ویاند د دې ښځې وژنه «ناموسي» انګېرنه بللې ده.
معلومه نه ده، چې دغه ښځه واده شوې وه او که مجرده.
په دې ولایت کې د طالبانو د اطلاعاتو او کلتور ریاست هم په یوه خبرپاڼه کې لیکلي «یو قاتل د خپلې خور تر وژلو وروسته په څه کم یوه ساعت کې» د دې ډلې د امنیتي ځواکونو له خوا نیول شوی دی.
د طالبانو بیا واک ته تر رسېدو وروسته، په هېواد کې ناموسي وژنې او جنايي پېښې بې مخینې زیاتې شوې دي.
د رخشانې رسنۍ د شمېرو له مخې، په تېر یوه کال کې د هېواد په ۲۳ ولایتونو کې ۱۱۷ ښځې او نجونې د بېوزلۍ او له جبري واده د تېښتې له امله د کورنیو قتلونو ځان وژنو قرباني شوې دي.
