د افغانستان د ولیبال ښځینه ملي لوبډلې د مرکزي آسیا زون د ولیبال سیالیو په چوکاټ کې د قرغیزستان ښځینه ملي لوبډلې پر وړاندې ماته ومنله.
رخشانه: د دې دواړو لوبډلو تر منځ لوبه تېره ورځ (شنبې د لیندۍ ۲۹ مه) د مالدیو هېواد په ماله ښار کې تر سره شوه.
د هېواد ښځینه ملي لوبډلې د دې لوبو د پیل په لوبه کې ۳- ۰ په مقابل کې د قرغیزستان پر وړاندې ماته ومنله.
د هېواد ولیبال ښځینه ملي لوبډله به نن په دویمه لوبه کې د مالدیو سره مخامخ شي.
په دې لوبلړۍ کې د افغانستان، قرغیزستان، مالدیو، ترکمنستان او بنګله دېش د ولیبال ښځینه لوبډلې ګډون لري.
د هېواد د ولیبال ښځینه ملي لوبډلې څه موده وړاندې د ریاض ۲۰۲۵ کال اسلامي هېوادونو د پیستون لوبو کې پنځم مقام خپل کړی وو.
د دې لوبډلې لارښود مسوولیت د افغانستان د ولیبال د نارینه ملي لوبډلې د ایراني روزونکي محمد اسداللهي پر غاړه لري.
طالبانو په واک ته رسېدو سره په افغانستان کې د ښځو هر ډول سپورتي فعالیتونه بند کړي او د ښځو لوبډلې په رسمیت نه پېژني.
