د بدخشان د ښځو د لاسي صنایعو او کورنیو محصولاتو پنځه ورځنی نندارتون، چې د «بدخشان بازار یې وړاندې کوي» نومېږي، د دې ولایت په مرکز فیض آباد ښار کې پرانستل شوی دی.
رخشانه: دغه نندارتون د پنشنبې په ورځ د (لیندۍ ۲۷ مه) د بدخشان د سوداګرو ښځو د ملاتړ او مرستې په موخه جوړ شوی دی.
د جوړونکو په وینا، په دې نندارتون کې لاسي صنایع، داخلي تولیدات، غالۍ، ټغر، طبي بوټي، خالص شات او ادبي آثار په ۳۵ غرفو کې نندارې ته وړاندې شوي دي.
د دې ۳۵ غرفو ډېر هغه یې د سوداګرو ښځو په واک کې ورکړې، تر څو په کې خپل لاسي صنایع او محصولات وپلوري.
بدخشان کې د لبنیاتو یوه تولیدوونکې مېرمن چې د لبنیاتو د تولید په برخه کې لس کلنه تجربه لري وايي، د خپلو محصولاتو د پلور په موخه یې په دې نندارتون کې ګډون کړی دی.
هغهې و ویل: «دا تولیدي کارونه هم زموږ د خپل لاس خواري ده. د لبنیاتو جوړولو یو ماشین لرم او څنګه چې مالداري کوم، نو د غوا له شیدو، مستې، پنېر او نور حیواني محصولات چمتو کوم او پلورم یې.»
آمنه چې د ژوند لګښتونه له همدې لارې پوره کوي، د دې نندارتون په جوړېدو خوښيي ښي او تمه لري، چې دغه ډول پروګرامونه نور هم دوام پیدا کړي.
د بدخشان سوداګرو مېرمنو د دې نندارتون له پرانستل کېدو هرکلی وکړ او د دې ډول برنامو په لار اچول یې د داخلي اقتصاد او سوداګرو ښځو څخه د ملاتړ پیاوړتیا لپاره ګټور وباله.
هغوی په بدخشان کې د ښځینه سوداګرو یو له اساسي ستونزو ه د ښځو د خپلو محصولاتو او لاسي صنایعو د پلور لپاره د ځانګړي بازار نه شتون په ګوته کړ او د ښځو لپاره یې د ځانګړي بازار د جوړېدو غوښتنه وکړه.
د نندارتون جوړونکو تمه وښوده، چې د «بدخشان بازار یې وړاندې کوي» نندارتون وتوانېږي، د سیمه ییزه تولیدونکو او پراخو بازارونو تر منځ د اړیکې زمینه برابره کاندي او د سیمه ییزې اقتصادي ودې سره به مرسته وکړي.
