طالبانو د روانۍ اوونۍ په اوږدو کې په کونړ، کال او فاریاب ولایتونو کې د دوه ښځو په ګډون ۲۳ تنه د بېلا بېلو تورونو له امله د خلکو په وړاندې په دورو وهلي دي.
رخشانه: دغه کسان د نشه يي توکو د کارونې، د دوه نارینه وو تر منځ د جنسي اړیکې، د نشه کوونکو ګولیو او الکولي مشروباتو د پېر، پلور او قاچاق او په خصوصي حریم د تېرې په تورونو په دې درې ولایتونو کې په دورو وهل شوي دي.
یکشنبې د (لیندۍ ۳۰ مه) کونړ ولایت کې ۱۷ تنه د نشه يي توکو د کارونې او دوه نارینه وو تر منځ د جنسي رابطې په تورونو د خلکو په وړاندې له ۱۰ تر ۳۹ پورې دورې وهل شوي او له یوه تر دوه کلونو په تنفذي بند هم محکوم شوي دي.
دوشنبې د (مرغومي اوله) کابل کې د نشه کوونکو ګولیو، الکولي مشروباتو او چرسو د پېر، پلور او قاچاق په تور له ۱۰ تر ۳۹ پورې دورې وهل شوي دي.
دغه کسان کابل کې د طالبانو د نشه يي توکو او مسکراتو مخنیوي ابتدایه محکمې له خوا د اوو میاشتو او درې کلونو تر منځ تنفذي بند باندې محکوم شول.
سه شنبې د (مرغومي ۲ مه) کابل ښار کې د دوه ښځو په ګډون څلور تنه له واده بهر جنسي اړیکې په تور له ۲۵ تر ۳۰ دورې وهل شوي او په دوه کاله تنفذي بند هم محکوم شول.
چهارشنبې د (مرغومي ۳ مه) د فاریاب ولایت پښتون کوټ ولسوالۍ کې یو تن پر خصوصي حریم د تېري په تور د خلکو په وړاندې ۳۰ دورې وهل شوی او په یوه کال تنفذي بند هم محکوم شوی دی.
