د ملګرو ملتونو د ماشومانو د ملاتړ صندوق (یونیسف) وايي، په نړۍ کې د جګړو، بې ځایه کېدو او بېړنیو شرایطو له امله میلیونه ماشومان د ناامنۍ احساس کوي.
رخشانه: دغه بنسټ نن (چهارشنبې د مرغومي ۱۰ مه) په خپله فسبوک پاڼه د یوه پوسټ په خپرولو سره، له ماشومانو د ملاتړ غوښتنه کړې ده.
د ملګرو ملتونو د ماشومانو د ملاتړ صندوق زیاته کړې: «راځۍ په ۲۰۲۶ کال کې د ماشومانو لپاره کار او د هغوی له حقونو خوندیتوب ته دوام ورکړو.»
دغه بنسټ د ماشومانو خوندیتوب ته په اشارې ټینګار کړی: «هر ماشوم له هیلو ډکې راتلونکې او امکان وړ دی.»
په افغانستان کې د ملګرو ملتونو د ماشومانو د ملاتړ صندوق (یونیسف) هم په خپله اېکس پاڼه د یوه پوسټ په خپرولو سره، له ماشومانو د ملاتړ غوښتنه کړې ده.
یونیسف په ۲۰۲۶ میلادي کې د «افغانستان په ګوټ ګوټ کې د ټولو ماشومانو لپاره د خوندیتوب، هوساینې او هیلو ډک» کال تمه کړې ده.
د یونیسف په ګډون نړیوالو بنسټونو تل د طالبانو تر واک لاندې افغانستان کې د بشري بحران په اړه خبرداری ورکړی دي. دغو بنسټونو په وار وار په افغانستان کې د ښځو او ماشومانو د حقونو ملاتړ غوښتی او له نړیوالې ټولنې یې غوښتنه کړې، چې په دغه هېواد کې له اړمنو کسانو سره مرسته وکړي.
په هېواد کې د طالبانو واک ته له بیا رسېدو او اړمنو کسانو ته د خدماتو وړاندې کولو لپاره د بودجې له کمښت وروسته، مرستندویه بنسټونو په هېواد کې بشري وضعیت بحراني بللی دی.
