طالبانو د روانې اوونۍ په اوږدو کې په بلخ، خوست، غزني، کابل، پروان، کونړ، پکتیکا او میدان وردګ ولایتونو کې د بېلا بېلو تورونو له امله، د دوه ښځو په ګډون اته تنه په دورو وهلي دي.
رخشانه: دغه کسان، د غلا، نامشروع اړیکې، له واده بهر جنسي اړیکې، نشه يي توکو د پېر او پلور او د دوه نارینه وو تر منځ د جنسي اړیکې په تور، په دې اتو ولایتونو کې په دورو وهلي دي.
یکشنبې د (مرغومي ۱۴ مه) بلخ، خوست او غزني ولایتونو کې څلور تنه د غلا په تور د خلکو په وړاندې په دورو وهل شوي دي.
یو تن د غلا په تور د بلخ په نهرشاهي ولسوالۍ کې د خلکو په وړاندې ۳۰ دورې وهل شوی او په یوه کال او شپږ میاشتې تنفذي بند هم محکوم شوی دی.
دوه تنه د غلا په تور د خوست ولایت په باک ولسوالۍ کې د خلکو په وړاندې ۳۰ دورې وهل شوي او په یوه کال تنفذي بند محکوم شوي دي.
یو بل تن بیا د غزني ولایت په ګیلان ولسوالۍ کې د غلا په تور د خلکو په وړاندې ۲۵ دورې وهل شوی او په یوه کال او شپږ میاشتې تنفذي بند هم محکوم شوی دی.
دوشنبې د (مرغومي ۱۵ مه) په بلخ، کابل، پروان او کونړ ولایتونو کې د یوې ښځې په ګډون ۱۷ تنه د غلا، نامشروع اړیکې، له واده بهر جنسي اړیکې، نشه يي توکو د کارونې او پلور او د دوه نارینه وو تر منځ د جنسي اړیکې په تورونو د خلکو په وړاندې په دورو وهل شوي دي.
یوه ښځه د نامشروع اړیکې په تور د کابل ولایت په چهارآسیاب ولسوالۍ کې د خلکو په وړاندې ۳۹ دورې وهل شوې او په اووه میاشتې تنفذي بند هم محکومه شوې ده.
یو تن له واده بهر د جنسي اړیکې په تور د بلخ ولایت مرکز مزارشریف ښار کې ۳۹ دورې وهل شوې ده.
معلومه نه ده، چې دغه کس په څومره بند محکوم شوی دی.
۱۲ تنه د نشه يي توکو د کارونې او پلور په تور په پروان ولایت کې له ۱۰ تر ۱۵ دورو وهل شوي او له یوه کاله تر درې میاشتو او یوې میاشتې تنفذي بند محکوم شوي دي.
دوه تنه د دوه نارینه وو تر منځ د جنسي اړیکې او له واده بهر جنسي اړیکې په تور په کونړ ولایت کې له ۲۰ تر ۳۹ دورې وهل شوي او له یوه تر دوه کلونو په تنفذي بند هم محکوم شوي دي.
چهارشنبې د (مرغومي ۱۷ مه) څلور تنه د غلا په تور په پکتیکا او غزني ولایتونو کې د خلکو په وړاندې په دورو وهل شوي دي.
درې تنه د غلا په تور د پکتیکا ولایت په ګیانې ولسوالۍ کې د خلکو په وړاندې له ۲۰ تر ۳۰ دورو وهل شوي او په شپږ میاشتې او یوه کال او شپږ میاشتې تنفذي بند محکوم شول.
یو تن د غلا په تور د غزني ولایت په مالستان ولسوالۍ کې په عام محضر کې ۲۰ دورې وهل شوی او په یوه کال او شپږ میاشتې تنفذي بند هم محکوم شوی دی.
پنشنبې د (مرغومي ۱۸ مه) د یوې ښځې په ګډون درې تنه د نامشروع اړیکې په تور په میدان وردګ ولایت کې له ۳۰ تر ۳۹ دورو و وهل شول او په څلور میاشتو او په یوه او ۱۲ کلونو په تنفذي بند باندې محکوم شول.
