د ایران په ګوټ ګوټ کې د لاریونونو له دوام سره هممهاله «په جلاوطنۍ کې د خپلواکوغورځنګ» اعلان کړي، چې ایران کې افغان کډوال له سیستماتیک محرومیت او اساسي اړتیاو ته له نه لاسرسي سره مخ دي.
رخشانه: د دې اعتراضي غورځنګ غړو په یوه اعلامیه کې، په ایران کې د افغان کډوالو وضعیت «بېړنۍ» بللی او هغوی ته یې د رسېدنې او پاملرنې غوښتنه کړې ده.
په جلاوطنۍ کې د خپلواکو غورځنګ په اعلامیه کې راغلي: د هغوی [په ایران کې د افغان کډوالو] لپاره لومړنیو خوړو ته لاسرسی محدود یا عملآ تړل شوی دی.»
د دې اعتراضي غورځنګ غړو دا وضعیت «د بشر د بنسټیزه حقونو، د نه تبعیض او ژوند د حق څخه ښکاره سرغړونه» وبلله وايي، د دې دوام د یوه پټ انساني ناورین لپاره خطر په جدي توګه زیات کړی دی.
په جلاوطنۍ کې د خپلواکو غورځنګ، د دې بحران د ارزونې او کابو کولو لپاره، د ملګرو ملتونو په ځانګړې دوه د کډوالو نړیوالې کمېشنرۍ او د بشري حقونو د عالي کمېشنرۍ د مداخلې غوښتنه وکړه.
د دې اعتراضي غورځنګ غړو همدارنګه لومړنیو خوراکي توکو، روغتیايي خدماتو او لومړنیو اړتیاوو ته له تبعیض پرته د افغان کډوالو د بېړني لاسرسي او خوندیتوب غوښتنه کړې ده.
دوی د خپل سرو نیونو او په زور شړلو د بندېدو او په ایران کې د افغان کډوالو لپاره د ځانګړي خوندیتوب کړنلاو په رامنځ ته کولو ټينګار کړی او د نړیوال خوندیتوب، بیا مېشتېدنې او په بېړنیو حالاتو کې د کډوالو لپاره د خوندي لارو د رامنځ ته کولو پروسې د ګړندي کولو غوښتنه کړې ده.
د ۲۰۱۲ په اګست میاشت کې د طالبانو له بیا واک ته رسېدو وروسته، د پخواني افغان حکومت ډېری نظامیان، دولتي کارکوونکي، خبریالان او د بشري حقونو فعالان ګاونډیو هېوادونو ته کډه شوي او تر اوسه د ور کډه شویو هېوادونو د منلو وېزو په تر لاسه کولو بریالي شوي نه دي.
ډېری له دې کډوالو چې د کوربه هېوادونو له لوري افغانستان ته بېرته لېږل شوي، د طالبانو له لوري نیول شوي او زنداني شوي دي، او نور کډوال د طالبانو تر واک لاندې افغانستان ته د ایستلو د ګواښ په اړه اندېښنه څرګنده کړې ده.
