فاریاب کې د طالبانو امنیه قوماندانۍ په یوه خبرپاڼه کې لیکلي، د دې ولایت په قیصار ولسوالۍ کې د یوې «خاورینې غونډۍ» ښوویدو د دوه ماشومانو ژوند اخیستی دی.
رخشانه: په خبرپاڼه کې راغلي، دغه پېښه تېره ورځ (شنبې د مرغومي ۲۰ مه) د قیصار ولسوالۍ په «ګنداب» کلي کې رامنځ ته شوې ده.
خبرپاڼې د دې ماشومانو نومونه محمد او هدایت ښودلي وايي، هغوی پنځه او اووه کلن وو.
دغه ماشومان د غونډۍ د ښوویدو وروسته تر خاورو لاندې بند پاتې وو او ژوند یې له لاسه ورکړی دی.
د دې دواړو ماشومانو جسدونه د طالبانو او سیمې د خلکو له خوا له خاورو راایستل شوي او خپلو کورنیو ته سپارل شوي دي.
معلومه نه ده، چې دا خاورینه غونډۍ په کوم دلیل ښویدلې ده.
