د کابل لوېدیځ کې ځايي سرچینې وايي، یوې نجلۍ ځان راځړولی او خپل ژوند ته یې د پای ټکی کېښود.
رخشانه: د کابل لوېدیځ کې یوې سرچینې د هویت خوندي ساتلو سره رخشانې رسنۍ ته و ویل، دغه پېښه (شنبې د مرغومي ۲۰مه) د سهار شاوخوا ۱۰ بجې د کابل لوېدیځ ته په اتفاق ښارګوټي کې رامنځ ته شوې ده.
دوه نورو سرچینو هم د دې خبر پلی کړی وايي، دا نجلۍ ۱۱ کلنه وه او وروسته له هغې چې د مور له خوا وهل شوې ډبول شوې، په ټکري یې ځان راځوړند کړی او ژوند یې له لاسه ورکړی دی.
د سرچینې په وینا، دې د نجلۍ کورنۍ له سختو اقتصادي ستونزو سره لاس او ګرېوان وه.
طالب چارواکو تر اوسه په دې اړه څه نه دي ویلي.
واک ته د طالبانو له بیا راتګ وروسته، د هېواد په یو شمېر ولایتونو کې د ښځو او نجونو ځان وژنې زیاتې شوې، خو په دې اړه تر اوسه هېڅ ډول رسمي شمېرې نه دي خپرې شوې.
ډېری دغه ډول پېښې، د طالبانو د محدودیتونو، بېوزلۍ، بېکارۍ او کورنیو تاوتریخوالو له کبله رامنځ ته کېږي.
